Fjár­hags­áætlun Mos­fells­bæj­ar 2025 til 2028

Af­greiðsla 438. fund­ar fræðslu­nefnd­ar sam­þykkt á 862. fundi bæj­ar­stjórn­ar með 11 at­kvæð­um.

Af­greiðsla 24. fund­ar menn­ing­ar- og lýð­ræð­is­nefnd­ar sam­þykkt á 862. fundi bæj­ar­stjórn­ar með 11 at­kvæð­um.

Af­greiðsla 1649. fund­ar bæj­ar­ráðs sam­þykkt á 862. fundi bæj­ar­stjórn­ar með 11 at­kvæð­um.

Af­greiðsla 284. fund­ar íþrótta- og tóm­stunda­nefnd­ar sam­þykkt á 862. fundi bæj­ar­stjórn­ar með 11 at­kvæð­um.

Af­greiðsla 1649. fund­ar bæj­ar­ráðs sam­þykkt á 862. fundi bæj­ar­stjórn­ar með 11 at­kvæð­um.

Af­greiðsla 24. fund­ar vel­ferð­ar­nefnd­ar sam­þykkt á 862. fundi bæj­ar­stjórn­ar með 11 at­kvæð­um.

Af­greiðsla 621. fund­ar skipu­lags­nefnd­ar sam­þykkt á 862. fundi bæj­ar­stjórn­ar með 11 at­kvæð­um.

For­seti gaf Regínu Ásvaldsdóttur bæj­ar­stjóra orð­ið og fór hún yfir fyr­ir­liggj­andi fjár­hags­áætl­un Mosfells­bæj­ar og stofn­ana bæjarins fyr­ir árin 2025 til 2028, með áorðnum breytingum, ásamt greinargerð.

Helstu nið­ur­stöðu­töl­ur í fyr­ir­liggj­andi fjár­hags­áætl­un fyr­ir árið 2025 A og B hluta eru eft­ir­far­andi:
Tekj­ur: 22.938 m.kr.
Gjöld: 20.244 m.kr.
Af­skrift­ir: 690 m.kr.
Fjár­magns­gjöld: 1.288 m.kr.
Tekju­skatt­ur: 12 m.kr.
Rekstr­arnið­ur­staða: 702 m.kr.
Eign­ir í árs­lok: 38.707 m.kr.
Eig­ið fé í árs­lok: 9.209 m.kr.
Fjár­fest­ing­ í varanlegum rekstrarfjármunum: 5.379 m.kr.

***

Álagn­ingar­pró­sent­ur fast­eigna­gjalda fyr­ir árið 2025 eru eft­ir­far­andi:
Fast­eigna­gjöld íbúð­ar­hús­næð­is (A - skatt­flokk­ur).
Fast­eigna­skatt­ur A 0,20% af fast­eigna­mati húss og lóð­ar.
Vatns­gjald 0,070% af fast­eigna­mati húss og lóð­ar.
Frá­veitu­gjald 0,089% af fast­eigna­mati húss og lóð­ar.
Lóð­ar­leiga A 0,310% af fast­eigna­mati lóð­ar.

Fast­eigna­gjöld stofn­ana skv. 3. gr. reglu­gerð­ar 1160/2005 (B - skatt­flokk­ur).
Fast­eigna­skatt­ur B 1,320% af fast­eigna­mati húss og lóð­ar.
Vatns­gjald 0,070% af fast­eigna­mati húss og lóð­ar.
Frá­veitu­gjald 0,089% af fast­eigna­mati húss og lóð­ar.
Lóð­ar­leiga B 1,100% af fast­eigna­mati lóð­ar.

Fast­eigna­gjöld ann­ars hús­næð­is (C - skatt­flokk­ur).
Fast­eigna­skatt­ur C 1,495% af fast­eigna­mati húss og lóð­ar.
Vatns­gjald 0,070% af fast­eigna­mati húss og lóð­ar.
Frá­veitu­gjald 0,089% af fast­eigna­mati húss og lóð­ar.
Lóð­ar­leiga C 1,100% af fast­eigna­mati lóð­ar.

***
Gjald­dag­ar fast­eigna­gjalda eru tíu, fyrsta dag hvers mán­að­ar frá 1. fe­brú­ar til og með 1. nóv­em­ber. Eindagi fast­eigna­gjalda er þrjá­tíu dög­um eft­ir gjald­daga og fell­ur all­ur skatt­ur árs­ins í gjald­daga ef van­skil verða. Sé fjár­hæð fast­eigna­gjalda und­ir kr. 40.000 er gjald­dagi þeirra 1. fe­brú­ar með eindaga 1. mars.

***
Eft­ir­tald­ar regl­ur taka breytingum og gilda frá 1. janúar 2025.
Regl­ur um af­slátt af fast­eigna­gjöld­um til elli- og ör­orku­líf­eyr­is­þega.
Regl­ur um fjár­hags­að­stoð í Mos­fells­bæ, framfærslugrunnur
Regl­ur um tekju­við­mið vegna viðbótarnið­ur­greiðslu leik­skóla­gjalda

***
Eft­ir­far­andi gjald­skrár sem taka gildi 1. janúar 2025 voru sam­þykkt­ar:
Gjald­skrá í frí­stunda­selj­um grunn­skóla og við­bót­ar­vist­un í frí­stunda­seli
Gjaldskrá mötuneytis í grunnskólum
Gjaldskrá leikskóla, dagforeldra og sjálfstætt starfandi leikskóla
Gjaldskrá bleyjugjalds í leikskólum
Gjaldskrá ávaxtabita í grunnskólum

Gjald­skrá Bóka­safns Mos­fells­bæj­ar
Gjald­skrá íþróttamið­stöðva og sund­lauga

Gjald­skrá heimilisúrgangs
Gjald­skrá skipu­lagsmála
Gjaldskrá bygg­ing­ar­mála
Gjald­skrá Hita­veitu Mosfellsbæjar
Gjald­skrá frá­veitugjald
Gjald­skrá rot­þró­ar­gjald
Gjald­skrá Vatns­veitu Mos­fells­bæj­ar

Gjald­skrá frí­stunda­sels fyrir fötluð börn og ung­menni
Gjald­skrár stuðn­ings­fjöl­skyldna við fötluð börn og skv. barnaverndarlögum
Gjaldskrá akstursþjónustu eldri borgara

Eft­ir­far­andi gjald­skrár sem taka gildi 1. ágúst 2025 voru sam­þykkt­ar:
Gjald­skrá tónlistardeildar Lista­skóla
Gjald­skrá skólahlómsveit Lista­skóla


***
Umræða fór fram um fyrirliggjandi fjárhagsáætlun 2025-2028.

Fundarhlé hófst kl. 14:42. Fundur hófst aftur kl. 14:59.

Fundarhlé hófst kl. 15:15. Fundur hófst aftur kl. 15:25.

***

Umræða fór fram um fyrirliggjandi breytingatillögur, sex tillögur frá D lista Sjálfstæðisflokks og þrjár tillögur frá L lista Vina Mosfellsbæjar.

Fundarhlé hófst kl. 16:33. Fundur hófst aftur kl. 17:04.

Gengið var til atkvæða um fyrirliggjandi breytingatillögur við fjárhagsáætlun ársins 2025-2028:

1. D1 - Endurskoðun á fyrirkomulagi Vinnuskólans, tillaga í tveimur liðum.
Fram kom málsmeðferðartillaga um að a-lið tillögu D1 væri vísað til frekari vinnslu innan stjórnsýslu Mosfellsbæjar og var sú tillaga samþykkt með 11 atkvæðum.

B-lið tillögu D1 var synjað með sex atkvæðum bæjarfulltrúa B, C og S lista. Fimm bæjarfulltrúar D og L lista greiddu atkvæði með tillögunni. Anna Sigríður Guðnadóttir gerði grein fyrir atkvæði sínu.

2. D2 - Unnið verði að gerð deiliskipulags eldri hverfa Mosfellsbæjar.
Tillögunni var synjað með sex atkvæðum bæjarfulltrúa B, C og S lista. Fimm bæjarfulltrúar D og L lista greiddu atkvæði með tillögunni. Valdimar Birgisson og Ásgeir Sveinsson gerðu grein fyrir atkvæðum sínum.

3. D3 - Unnið verði að stofnun FabLab smiðju í Mosfellsbæ.
Tillögunni var synjað með sex atkvæðum bæjarfulltrúa B, C og S lista. Fjórir bæjarfulltrúar D lista greiddu atkvæði með tillögunni. Bæjarfulltrúi L lista sat hjá við atkvæðagreiðsluna. Sævar Birgisson, Halla Karen Kristjánsdóttir og Ásgeir Sveinsson gerðu grein fyrir atkvæðum sínum.

4. D4 - Úthlutun lóða í nýju deiliskipulagi hesthúsahverfisins.
Tillögunni var synjað með sex atkvæðum bæjarfulltrúa B, C og S lista. Fjórir bæjarfulltrúar D lista greiddu atkvæði með tillögunni. Bæjarfulltrúi L lista sat hjá við atkvæðagreiðsluna. Halla Karen Kristjánsdóttir gerði grein fyrir atkvæði sínu.

5. D5 - Lækkun fasteignaskatta.
Tillögunni var synjað með sex atkvæðum bæjarfulltrúa B, C og S lista. Fimm bæjarfulltrúar D og L lista greiddu atkvæði með tillögunni. Valdimar Birgisson gerði grein fyrir atkvæði sínu.

6. D6 - Tekjur á móti tillögum.
Tillögunni var synjað með sex atkvæðum bæjarfulltrúa B, C og S lista. Fjórir bæjarfulltrúar D lista greiddu atkvæði með tillögunni. Bæjarfulltrúi L lista sat hjá við atkvæðagreiðsluna.

7. L1 - Námssjóður fyrir starfsfólk Mosfellsbæjar.
Tillögunni var synjað með sex atkvæðum bæjarfulltrúa B, C og S lista. Bæjarfulltrúi L lista greiddi atkvæði með tillögunni. Fjórir bæjarfulltrúar D lista sátu hjá við atkvæðagreiðsluna. Aldís Stefánsdóttir gerði grein fyrir atkvæði sínu.

8. L2 - Efling almenningssamgangna, tillaga í þremur liðum.
A-lið tillögunnar var synjað með sex atkvæðum bæjarfulltrúa B, C og S lista. Bæjarfulltrúi L lista greiddi atkvæði með tillögunni. Fjórir bæjarfulltrúar D lista sátu hjá við atkvæðagreiðsluna. Valdimar Birgisson gerði grein fyrir atkvæði sínu.

B-lið tillögunnar var synjað með sex atkvæðum bæjarfulltrúa B, C og S lista. Bæjarfulltrúi L lista greiddi atkvæði með tillögunni. Fjórir bæjarfulltrúar D lista sátu hjá við atkvæðagreiðsluna. Valdimar Birgisson gerði grein fyrir atkvæði sínu.

C-lið tillögunnar var synjað með sex atkvæðum bæjarfulltrúa B, C og S lista. Fimm bæjarfulltrúar D og L lista greiddu atkvæði með tillögunni. Valdimar Birgisson gerði grein fyrir atkvæði sínu.

9. L3 - Fjármálaráðgjafi fyrir skólastjórnendur.
Tillögunni var synjað með sex atkvæðum bæjarfulltrúa B, C og S lista. Bæjarfulltrúi L lista greiddi atkvæði með tillögunni. Fjórir bæjarfulltrúar D lista sátu hjá við atkvæðagreiðsluna.

Fundarhlé hófst kl. 17:30. Fundur hófst aftur kl. 17:34.

***

Forseti bar upp tillögu að fjárhagsáætlun Mosfellsbæjar fyrir árin 2025-2028, með áorðnum breytingum, ásamt greinargerð til atkvæða. Fjárhagsáætlunin var samþykkt með sex atkvæðum bæjarfulltrúa B, C og S lista. Fimm bæjarfulltrúar D og L lista sátu hjá við atkvæðagreiðsluna.

***
Fundarhlé hófst kl. 17:35. Fundur hófst aftur kl. 17:39.

***
For­seti tók undir þakkir bæjarstjóra og bæjarfulltrúa til starfsfólks bæj­ar­ins fyr­ir fram­lag þeirra við und­ir­bún­ing og gerð fjárhagsáætl­un­ar­inn­ar.


Bókun B, S og C lista:
Í fjárhagsáætlun ársins 2025 er eins og í fyrri áætlunum meirihlutans lögð áhersla á öfluga grunnþjónustu og uppbyggingu innviða. Stærstur hluti rekstrar Mosfellsbæjar hverfist um skólastarf og aðra þjónustu við börn og ungmenni er varðar íþróttir og aðrar tómstundir. Lögð er áhersla á velferðarþjónustu svo þau sem hennar njóta upplifi gott aðgengi að henni, traust og öryggi. Útgjöld til þessara málaflokka nema tæplega 80% af heildarrekstrarkostnaði sveitarfélagsins.

Segja má að rauði þráðurinn í fjárhagsáætluninni sé áherslan á forvarnir, velferð og lýðheilsu með sérstakri áherslu á börn og ungmenni, eldri borgara í sveitarfélaginu og málefni sem skipta fjölskyldurnar máli. Aðgerðaáætlunin Börnin okkar inniheldur 27 ígrundaðar og fjármagnaðar aðgerðir til að búa enn betur að ungviðinu og felur í sér m.a. aukið aðgengi að sálfræðiþjónustu og félagsráðgjöf, hækkun frístundastyrks, eflingu starfsemi Bólsins, rýmkun opnunartíma íþróttamiðstöðva sérstaklega fyrir unglinga, eflingu foreldrasamstarfs, aukið framboð íþrótta fyrir öll börn ásamt því að starfsemi barnaverndar verður efld. Þá heldur áfram vinna við innleiðingu farsældarlaga og Barnvæns sveitarfélags.

Eins og áður er leitast við að sinna vel uppbyggingu innviða í vaxandi sveitarfélagi ásamt því að halda vel við þeim innviðum sem fyrir eru. Byggingu nýs leikskóla í Helgafellshverfi lýkur á árinu 2025, sem og íþróttahúss við Helgafellsskóla. Miklar framkvæmdir eru á Varmársvæðinu þar sem unnið er að uppbyggingu á nýjum gervigrasvelli og frjálsíþróttasvæði sem og að farið verður í hönnun þjónustubyggingar og stúku samhliða á árinu 2025. Þá verður 220 milljónum varið í endurnýjun skólalóða á árinu.

Gjaldskrárhækkunum er stillt í hóf og hækka þær gjaldskrár sem snerta börn og fjölskyldur um 3,5% en aðrar um 3.9% að meðaltali. Með þessum hóflegu hækkunum, þrátt fyrir að í Mosfellsbæ sé að finna lægstu gjaldskrár í leikskólum og skólaþjónustu, vill Mosfellsbær leggja sitt lóð á vogarskálarnar í baráttunni við að lækka verbólguna.

Álagningarprósenta útsvars verður óbreytt í 14,97% og álagningarprósenta fasteignaskatts í flokki A verður 0.2 % en fasteignaskattur verður óbreyttur að öðru leyti.

Fjárhagsáætlunin gerir ráð fyrir 702 m.kr. afgangi á næsta ári. Þá verður veltufé frá rekstri jákvætt um 1.968 m.kr. Gert er ráð fyrir að skuldaviðmið A og B hluta verði 106,7% sem er vel undir mörkum sveitarstjórnarlaga.

Við þökkum bæjarstjóra og starfsfólki bæjarins fyrir þá miklu vinnu sem liggur að baki þessari fjárhagsáætlun. Nú sem endranær hafa kjörnir fulltrúar treyst á þekkingu og reynslu þeirra sem að vinnunni koma og við erum þakklát fyrir þeirra framlag.


Bókun D og L lista:
Rekstrarumhverfi sveitarfélaga hefur verið krefjandi á undanförnum árum og virðist sem svo verði áfram. Þrátt fyrir að vextir og verðbólga séu á niðurleið ríkir enn mikil óvissa. Því þarf að sýna sérstaka ráðdeild og skynsemi í rekstrinum á komandi ári. Sú fjárfestingaráætlun sem liggur fyrir er mjög kostnaðarsöm og ljóst er að Mosfellsbær þarf að taka hæsta lán sem bæjarfélagið hefur tekið á einu ári. Skuldahlutfall sveitarfélagsins mun hækka áfram á næstu árum til að standa undir áætluðum framkvæmdum. Rekstur A hluta Mosfellsbæjar mun ekki vera sjálfbær á árinu 2025.

Að mati bæjarfulltrúa D og L lista er það áhyggjuefni en engar tillögur um niðurskurð liggja fyrir á rekstri sveitarfélagsins.

Bæjarfulltrúar D og L lista hafa ekki haft beina aðkomu að gerð fjárhagsáætlunar komandi árs og telja sér því ekki fært að greiða atkvæði með henni. Við sitjum því hjá við afgreiðsluna.

Bæjarfulltrúar D og L lista þakka starfsfólki Mosfellsbæjar fyrir vel unnin störf við gerð þessarar fjárhagsáætlunar.

Lagt fram og kynnt. Jó­hanna B. Han­sen, sviðs­stjóri um­hverf­is­sviðs fór yfir drög að fjár­hags­áætlun.

Fram­komn­ar til­lög­ur til breyt­inga á fjár­hags­áætlun 2025 til 2028 lagð­ar fram og eft­ir at­vik­um vísað til frek­ari vinnslu inn­an stjórn­sýslu Mos­fells­bæj­ar.

Bæj­ar­stjóri og stað­gengill sviðs­stjóra fjár­mála- og áhættu­stýr­ing­ar­sviðs gerðu grein fyr­ir til­lög­um um álagn­ingu fast­eigna­gjalda og þjón­ustu­gjalda vegna árs­ins 2025, ásamt regl­um um af­slátt af fast­eigna­gjöld­um.

Íþrótta- og tóm­stunda­nefnd þakk­ar fyr­ir kynn­ingu á drög­um að fjár­hags­áætlun 2025.

Menn­ing­ar- og lýð­ræð­is­nefnd þakk­ar fyr­ir kynn­ingu á drög­um að fjár­hags­áætlun 2025.

Af­greiðsla 18. fund­ar at­vinnu- og ný­sköp­un­ar­nefnd­ar sam­þykkt á 861. fundi bæj­ar­stjórn­ar með 11 at­kvæð­um.

Af­greiðsla 253. fund­ar um­hverf­is­nefnd­ar sam­þykkt á 861. fundi bæj­ar­stjórn­ar með 11 at­kvæð­um.

Af­greiðsla 39. fund­ar öld­unga­ráðs sam­þykkt á 861. fundi bæj­ar­stjórn­ar með 11 at­kvæð­um.

Af­greiðsla 1647. fund­ar bæj­ar­ráðs sam­þykkt á 861. fundi bæj­ar­stjórn­ar með 11 at­kvæð­um.

Bæj­ar­stjórn sam­þykkti með 11 at­kvæð­um að vísa fram­komn­um til­lög­um til um­fjöll­un­ar í bæj­ar­ráði fyr­ir síð­ari um­ræðu bæj­ar­stjórn­ar um fjár­hags­áætlun Mos­fells­bæj­ar 2025-2028 og eft­ir at­vik­um til frek­ari vinnslu inn­an stjórn­sýslu Mos­fells­bæj­ar.

Lagt fram og kynnt.

Lagt fram og kynnt.

Til­lög­ur til breyt­inga á fjár­hags­áætlun 2025 til 2028 sem lagð­ar voru fram við fyrri um­ræðu í bæj­ar­stjórn lagð­ar fram og eft­ir at­vik­um vísað til frek­ari vinnslu inn­an stjórn­sýslu Mos­fells­bæj­ar.

Sviðs­stjóri fræðslu- og frí­stunda­sviðs kynnti helstu verk­efni og áhersl­ur sem lagð­ar hafa ver­ið fram í fjár­hags­áætlun fyr­ir árin 2025-2028.

Helstu áhersl­ur, sem end­ur­spegla for­gangs­röðun í þágu barna og fjöl­skylda, eru:
1 Gjald­skrár vegna þjón­ustu við börn hækka ein­ung­is um 3,5 %
2 Frí­stunda­styrk­ur verð­ur hækk­að­ur um 14%
3 Lægstu leik­skóla­gjöld­in eru í Mos­fells­bæ
4 Sama gjald er fyr­ir börn hjá dag­for­eldr­um og í leik­skól­um
5 Nýr leik­skóli verð­ur tek­inn í notk­un
6 End­ur­nýj­un skóla­lóða
7 Krakka Mosó, lýð­ræð­is­verk­efni
8 Fjár­fest­um í fram­tíð­inni - að­gerð­ir fyr­ir börn og ung­menni:
Auk­ið að­gengi að fag­fólki
Fræðsla fyr­ir for­eldra, börn og ung­menni
Efl­ing á starfi Bóls­ins
Íþrótt­ir fyr­ir alla

Drög að fjár­hags­áætlun Mos­fells­bæj­ar 2025 kynnt fyr­ir at­vinnu- og ný­sköp­un­ar­nefnd og nefnd­in vill þakka fyr­ir skýra og að­gengi­lega fram­setn­ingu gagna.

Lagt fram til kynn­ing­ar og rætt.

Bók­un full­trúa L lista:
Í mál­efna­samn­ingi meiri­hlut­ans er lögð áhersla á að fag­nefnd­ir komi að gerð og und­ir­bún­ingi fjár­hags­áætl­un­ar. Vin­ir Mos­fells­bæj­ar eru sam­mála um mik­il­vægi þess. Nú er kjör­tíma­bil­ið hálfn­að en að­koma fag­nefnda er enn óbreytt frá því sem áður hef­ur tíðkast og koma drög að fjár­hags­áætlun kom­andi árs fyrst inn á borð Um­hverf­is­nefnd­ar til kynn­ing­ar að lok­inni fyrri um­ræðu í bæj­ar­stjórn.

Af­greiðsla 1645. fund­ar bæj­ar­ráðs sam­þykkt á 860. fundi bæj­ar­stjórn­ar með 11 at­kvæð­um.

Af­greiðsla 23. fund­ar vel­ferð­ar­nefnd­ar sam­þykkt á 860. fundi bæj­ar­stjórn­ar með 11 at­kvæð­um.

Regína Ás­valds­dótt­ir, bæj­ar­stjóri, kynnti drög að fjár­hags­áætlun Mos­fells­bæj­ar 2025 til 2028 ásamt grein­ar­gerð þar sem helstu markmið og nið­ur­stöð­ur eru rakt­ar nán­ar.

Bæj­ar­stjóri og formað­ur bæj­ar­ráðs þökk­uðu starfs­fólki bæj­ar­ins sér­stak­lega fyr­ir fram­lag þeirra við und­ir­bún­ing áætl­un­ar­inn­ar og tóku að­r­ir bæj­ar­full­trú­ar und­ir þakk­ir til starfs­fólks.

***

Lagð­ar voru fram til­lög­ur bæj­ar­full­trúa D lista Sjálf­stæð­is­flokks við fjár­hags­áætlun 2025:

Til­laga 1 - End­ur­skoð­un á fyr­ir­komu­lagi Vinnu­skól­ans.
Lagt er til að end­ur­skoð­að verði fyr­ir­komulag Vinnu­skól­ans með það í huga að byggja enn frek­ar ofan á það góða starf sem þar er unn­ið. Mik­il­vægt er í dag að styðja vel við vellíð­an og ör­yggi ung­linga, styrkja sam­skipta­færni þeirra, vinnusið­ferði og fræða þau á já­kvæð­an hátt í góðu um­hverfi um mál­efni líð­andi stund­ar. Vinnu­skól­inn er um­hverfi sem hægt er að nýta enn frek­ar í of­an­greint.

End­ur­skoð­un þessi gæti jafn­vel far­ið fram með leið­andi sér­fræð­ing­um í mál­efn­um ung­linga til dæm­is í há­skól­um lands­ins. End­ur­skoð­un sem hefði það markmið að gera vinnu­skól­ann að krefj­andi en á sama tíma gef­andi reynslu, já­kvæðri vinnu, sam­vinnu, sam­starfi og vináttu.

Auk þess er lagt til að bætt verði við stöðu­gildi í Vinnu­skól­an­um til að hægt sé að veita eldri borg­ur­um Mos­fells­bæj­ar meiri garða­þjón­ustu og samliða verði áhöld og tækja­bún­að­ur til verks­ins end­ur­nýj­uð.

Til­laga 2 - Unn­ið verði að gerð deili­skipu­lags eldri hverfa Mos­fells­bæj­ar.
Lagt er til að auk­ið fjár­magn verði sett árið 2025 til að vinna við gerð deili­skipu­lags fyr­ir eldri hverfi Mos­fells­bæj­ar. Vinna er hafin við þetta verk­efni og mik­il­vægt að klára þessa vinnu til að spara starfs­fólki um­hverf­is­sviðs tíma og vinnu vegna mála er tengjast ódeili­skipu­lög­uð­um hverf­um Mos­fells­bæj­ar og sam­hliða bæta þjón­ustu við Mos­fell­inga.

Til­laga 3 - Unn­ið verði að stofn­un FabLab smiðju í Mos­fells­bæ.
Að sett verði í gang vinna við að koma á stofn FabLab smiðja/ný­sköp­un­ar­smiðja sem styð­ur við fram­setta at­vinnu­stefnu Mos­fells­bæj­ar.

Far­ið verði í vinnu við að kynna verk­efn­ið fyr­ir fyr­ir­tækj­um í Mos­fells­bæ sem myndu vera þátt­tak­end­ur í verk­efn­inu og gætu kom­ið að því á fjöl­breytt­an og ólík­an hátt með beinni þátt­töku og eða styrkj­um.

Til­laga 4 - Út­hlut­un lóða í nýju deili­skipu­lagi hest­húsa­hverf­is­ins.
Lagt er til að út­hlut­un lóða í hest­húsa­hverf­inu í nýju deili­skipu­lagi hest­húsa­hverf­is verði fram­kvæmd sem fyrst. Taka þarf ákvörð­un um lág­marks­verð lóða með til­liti til kostn­að­ar vegna gatna­gerð­ar og kostn­að­ar við lagn­ir og ákveða hvern­ig lóð­un­um verð­ur út­hlutað.

Til­laga 5 - Lækk­un fast­eigna­skatta.
Lagt er til að fast­eigna­skatt­ar verði lækk­að­ir en ekki hækk­að­ir eins og boð­að er í fjár­hags­áætlun.

Fast­eigna­gjöld í Mos­fells­bæ hafa hækkað mjög mik­ið und­an­farin 2 ár vegna mik­ill­ar hækk­un­ar á fast­eigna­mati og mál til kom­ið að þeim hækk­un­um linni á heim­ili og fjöl­skyld­ur í Mos­fells­bæ, sem búa við hátt vaxt­ast­ig og verð­bólgu.

Til­laga 6 - Tekj­ur á móti til­lög­um.
Lagt er til að end­ur­skoð­uð verði áætlun á tekj­um vegna lóða­sölu og bygg­inga­rétti í fjár­hags­áætlun fyr­ir árið 2025. Mið­að við þær út­hlut­an­ir á lóð­um sem eru fram und­an í sveit­ar­fé­lag­inu sem eru í eigu Mos­fells­bæj­ar ætti að vera raun­hæft að tekj­ur vegna lóða­út­hlut­un­ar og á bygg­inga­rétti verði mun hærri en gert er ráð fyr­ir í fjár­hags­áætlun 2025.

***
Bæj­ar­stjórn sam­þykkti með 11 at­kvæð­um að vísa fram­komn­um til­lög­um til um­fjöll­un­ar í bæj­ar­ráði fyr­ir síð­ari um­ræðu bæj­ar­stjórn­ar um fjár­hags­áætlun Mos­fells­bæj­ar 2025-2028 og eft­ir at­vik­um til frek­ari vinnslu inn­an stjórn­sýslu Mos­fells­bæj­ar.

Bæj­ar­stjórn sam­þykkti með 11 at­kvæð­um að vísa fjár­hags­áætlun Mos­fells­bæj­ar 2025 til 2028 ásamt grein­ar­gerð til síð­ari um­ræðu í bæj­ar­stjórn sem fram fari 4. des­em­ber 2024 og til um­fjöll­un­ar í fasta­nefnd­um.

Regína Ás­valds­dótt­ir, bæj­ar­stjóri, Pét­ur J. Lockton, sviðs­stjóri fjár­mála- og áhættu­stýr­ing­ar­sviðs og Anna María Ax­els­dótt­ir, verk­efna­stjóri fjár­mála- og áhættu­stýr­ing­ar­sviðs, gerðu grein fyr­ir drög­um að fjár­hags­áætlun Mos­fells­bæj­ar fyr­ir árið 2025 og árin 2026-2028 og grein­ar­gerð með henni.

Bæj­ar­ráð sam­þykk­ir með fimm at­kvæð­um að vísa drög­um að fjár­hags­áætlun Mos­fells­bæj­ar 2025 til 2028 til fyrri um­ræðu í bæj­ar­stjórn sam­kvæmt 3. mgr. 62. gr. sveit­ar­stjórn­ar­laga nr. 138/2011, sbr. og 2. mgr. 44. gr. sam­þykkt­ar um stjórn Mos­fells­bæj­ar nr. 1225/2022.

Fyrri um­ræða í bæj­ar­stjórn er fyr­ir­hug­uð mið­viku­dag­inn 6. nóv­em­ber 2024. Gögn sam­kvæmt þess­um lið njóta trún­að­ar fram að fyrri um­ræðu í bæj­ar­stjórn.

Af­greiðsla 22. fund­ar menn­ing­ar- og lýð­ræð­is­nefnd­ar sam­þykkt á 859. fundi bæj­ar­stjórn­ar með 11 at­kvæð­um.

Af­greiðsla 22. fund­ar vel­ferð­ar­nefnd­ar sam­þykkt á 859. fundi bæj­ar­stjórn­ar með 11 at­kvæð­um.

Lagt fram og kynnt.

Menn­ing­ar- og lýð­ræð­is­nefnd sam­þykk­ir sam­hljóða fram­lagð­ar áhersl­ur nefnd­ar­inn­ar við gerð fjár­hags­áætl­un­ar Mos­fells­bæj­ar 2025.

Af­greiðsla 281. fund­ar íþrótta- og tóm­stunda­nefnd­ar sam­þykkt á 858. fundi bæj­ar­stjórn­ar með 11 at­kvæð­um.

Af­greiðsla 22. fund­ar vel­ferð­ar­nefnd­ar sam­þykkt á 858. fundi bæj­ar­stjórn­ar með 11 at­kvæð­um.

Íþrótta- og tóm­stunda­nefnd sam­þykk­ir sam­hljóða fram­lagð­ar áhersl­ur nefnd­ar­inn­ar við gerð fjár­hags­áætl­un­ar Mos­fells­bæj­ar 2025.

Af­greiðsla 1639. fund­ar bæj­ar­ráðs sam­þykkt á 857. fundi bæj­ar­stjórn­ar með 11 at­kvæð­um.

Lagt fram og rætt.

Bæj­ar­ráð sam­þykk­ir með fimm at­kvæð­um upp­færða tíma- og ver­káætlun vegna und­ir­bún­ings og af­greiðslu fjár­hags­áætl­un­ar 2025-2028.

Af­greiðsla 1619. fund­ar bæj­ar­ráðs sam­þykkt á 848. fundi bæj­ar­stjórn­ar með 11 at­kvæð­um.

Bæj­ar­ráð sam­þykk­ir með fimm at­kvæð­um að hefja vinnu við fjár­hags­áætlun 2025-2028 í sam­ræmi við fyr­ir­liggj­andi til­lögu.