19. júní 2025 kl. 07:30,
2. hæð Helgafell
Fundinn sátu
- Halla Karen Kristjánsdóttir (HKK) formaður
- Lovísa Jónsdóttir (LJó) varaformaður
- Ásgeir Sveinsson (ÁS) aðalmaður
- Anna Sigríður Guðnadóttir (ASG) aðalmaður
- Rúnar Bragi Guðlaugsson (RBG) aðalmaður
- Dagný Kristinsdóttir (DK) áheyrnarfulltrúi
- Regína Ásvaldsdóttir (RÁ) bæjarstjóri
- Þóra Margrét Hjaltested bæjarlögmaður
Fundargerð ritaði
Þóra Margrét Hjaltested bæjarlögmaður
Dagskrá fundar
Almenn erindi
1. Nefndaskipan og þóknanir nefnda- vinnuhópur kjörinna fulltrúa202504131
Tillaga vinnuhóps um breytingu á þóknun fyrir setu í nefndum og ráðum og launum bæjarstjóra auk niðurfellingar á skipan áheyrnafulltrúa meirihluta í fastanefndum.
Regína Ásvaldsdóttir vék af fundi við umræðu og afgreiðslu tillögu um breytingu á launum bæjarstjóra.
Bæjarráð samþykkir með fimm atkvæðum fyrirliggjandi tillögu um að laun bæjarstjóra hækki um 3,5% í stað 8,2% þann 1. júlí 2025 en eftir það taki laun bæjarstjóra breytingum 1. janúar og 1. júlí ár hvert, sem taki gildi þann 1. janúar 2026.
***
Regína Ásvaldsdóttir tók aftur sæti á fundinum. Þá tóku Pétur J. Lockton, sviðsstjóri fjármála- og áhættustýringarsviðs og Anna María Axelsdóttir, verkefnastjóri á fjármála- og áhættustýringarsviði sæti á fundinum.***
Fundarhlé hófst kl. 08:02. Fundur hófst aftur kl. 08:15.***
Bæjarráð samþykkir með fimm atkvæðum að vísa til bæjarstjórnar breytingu á þóknun í nefndum og ráðum þannig að þóknun fyrir setu í nefndum og ráðum verði tímabundið aftengd þingfararkaupi við breytingu þann 1. júlí 2025 og hækki um 3,5% í stað 5,6%.
Að lokum var samþykkt með fimm atkvæðum að skipan áheyrnafulltrúa meirihluta verði felld niður í fastanefndum frá 1. ágúst 2025.
2. Fjárhagsáætlun Mosfellsbæjar 2025 til 2028202401260
Tillaga um viðauka 2 við fjárhagsáætlun Mosfellsbæjar 2025.
Málinu frestað til næsta fundar.
Gestir
- Pétur J. Lockton, sviðsstjóri fjármála- og áhættustýringarsviðs
- Anna María Axelsdóttir, verkefnastjóri á fjármála- og áhættustýringarsviði
3. Rekstur deilda janúar til mars 2025202505519
Yfirlit yfir rekstur deilda Mosfellsbæjar janúar til mars 2025.
Málinu frestað til næsta fundar.
4. Fjármögnun skv. fjárhagsáætlun 2025202501539
Tillaga um lántöku hjá Lánasjóði sveitarfélaga.
Bæjarráð Mosfellsbæjar samþykkir með fimm atkvæðum að taka lán hjá Lánasjóði sveitarfélaga. Um er að ræða langtímalán kr. 600.000.000, með lokagjalddaga þann 20. febrúar 2039, í samræmi við skilmála sem liggja fyrir á fundinum í lánssamningi nr. 2507_39.
Bæjarráð Mosfellsbæjar samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standi tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjur og framlög til sveitarfélagsins úr Jöfnunarsjóði sveitarfélaga.
Er lánið tekið til að endurfjármagna afborganir á eldri lánum sveitarfélagsins hjá Lánasjóðnum sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Regínu Ásvaldsdóttur, bæjarstjóra Mosfellsbæjar, veitt fullt og ótakmarkað umboð til þess f.h. Mosfellsbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.
Jafnframt samþykkir bæjarráð Mosfellsbæjar með fimm atkvæðum að taka lán hjá Lánasjóði sveitarfélaga. Um er að ræða langtímalán kr. 250.000.000, og höfuðstólsfjárhæð kr. 295.677.856, með lokagjalddaga þann 5. nóvember 2055, í samræmi við skilmála sem liggja fyrir á fundinum í lánssamningi nr. 2507_38.
Bæjarráð Mosfellsbæjar samþykkir að til tryggingar láninu (höfuðstól, uppgreiðslugjaldi auk vaxta, dráttarvaxta og kostnaðar), standi tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011, nánar tiltekið útsvarstekjur og framlög til sveitarfélagsins úr Jöfnunarsjóði sveitarfélaga.
Er lánið tekið til að fjármagna endurbætur við leik- og grunnskóla sem felur í sér að vera verkefni sem hefur almenna efnahagslega þýðingu, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Regínu Ásvaldsdóttur, bæjarstjóra Mosfellsbæjar, veitt fullt og ótakmarkað umboð til þess f.h. Mosfellsbæjar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari, þ.m.t. beiðni um útborgun láns.
Gestir
- Anna María Axelsdóttir, verkefnastjóri á fjármála- og áhættustýringarsviði
- Pétur J. Lockton, sviðsstjóri fjármála- og áhættustýringarsviðs
5. Heitur pottur með rampi fyrir alla í Lágafellslaug202411616
Lagt er til að bæjarráð heimili útboð vegna uppbyggingar á heitum potti með rampi fyrir alla á sundlaugarsvæði Lágfellslaugar.
Bæjarráð samþykkir með fimm atkvæðum fyrirliggjandi tillögu um útboð á uppbyggingu á nýjum heitum potti með aðgengi fyrir alla á sundlaugarsvæði Lágafellslaugar.
Gestir
- Jóhanna B. Hansen, sviðsstjóri umhverfissviðs
- Arnar Jónsson, sviðsstjóri menningar-, íþrótta- og lýðheilsusviðs
6. Endurskoðun á grunni álagningar á fasteignir202506315
Erindi frá félagi atvinnurekenda þar sem sveitarfélög eru hvött til þess að lækka álagningarprósentu fasteignaskatta og halda sköttum á atvinnuhúsnæði óbreyttu milli ár.
Bæjarráð samþykkir með fimm atkvæðum að vísa erindinu til umfjöllunar við afgreiðslu fjárhagsáætlunar fyrir árið 2026.
7. Hvetjum til sumarstarfa fyrir 16-17 ára ungmenni í sveitarfélögum202506294
Hvatning til bæjarstjóra og velferðar- og fræðslusviðs, frá aðgerðahópi Ríkislögreglustjóra vegna ofbeldis meðal og gegn börnum, þess efnis að bjóða ungmennum upp á sumarstörf sumarið 2025.
Bæjarstjóri veitti upplýsingar um stöðu mála í Mosfellsbæ. Mosfellsbær býður 16-17 ára ungmennum sumarvinnu og eru 33 ungmenni á þeim aldri í vinnu hjá sveitarfélaginu sem eru þau ungmenni sem óskuðu eftir vinnu fyrir lok umsóknarfrests.