Fjár­hags­áætlun Mos­fells­bæj­ar 2023 til 2026

Af­greiðsla 1607. fund­ar bæj­ar­ráðs sam­þykkt á 842. fundi bæj­ar­stjórn­ar með 11 at­kvæð­um.

Bæj­ar­ráð sam­þykk­ir með fimm at­kvæð­um við­auka 3 við fjár­hags­áætlun árs­ins 2023 vegna við­bótar­fram­lags til Strætó bs. Heild­aráhrif við­auk­ans eru þau að hand­bært fé lækk­ar um kr. 19.126.630 og rekstr­arnið­ur­staða lækk­ar um kr. 19.126.630.

Fund­ar­hlé hófst kl. 16:58. Fund­ur hófst aft­ur kl. 17:05.

Af­greiðsla 1591. fund­ar bæj­ar­ráðs sam­þykkt á 834. fundi bæj­ar­stjórn­ar með 11 at­kvæð­um.

Bæj­ar­ráð sam­þykk­ir með fimm at­kvæð­um fyr­ir­liggj­andi við­auka 2 við fjár­hags­áætlun árs­ins 2023. Heild­aráhrif við­auk­ans eru þau að hand­bært fé lækk­ar um kr. 139.053.030, rekstr­arnið­ur­staða lækk­ar um kr. 37.000.000 og fjár­fest­ing­ar aukast um kr. 126.000.000.

Af­greiðsla 1586. fund­ar bæj­ar­ráðs lögð fram til kynn­ing­ar á 832. fundi bæj­ar­stjórn­ar.

Anna María Ax­els­dótt­ir, stað­gengill fjár­mála­stjóra, kynnti áhrif enduráætl­un­ar Jöfn­un­ar­sjóðs á fram­lög­um til mála­flokks fatl­aðs fólks á fjár­hags­áætlun Mos­fells­bæj­ar.

Af­greiðsla 1584. fund­ar bæj­ar­ráðs sam­þykkt á 831. fundi bæj­ar­stjórn­ar með 11 at­kvæð­um.

Pét­ur J. Lockton, fjár­mála­stjóri, fór yfir út­komu­spá árs­ins 2023 vegna fjár­fest­inga og rekstr­ar.

Af­greiðsla 1581. fund­ar bæj­ar­ráðs sam­þykkt á 830. fundi bæj­ar­stjórn­ar með 11 at­kvæð­um.

Bæj­ar­ráð sam­þykk­ir með fimm at­kvæð­um við­auka 1 við fjár­hags­áætlun Mos­fells­bæj­ar 2023-2026. Heild­aráhrif við­auk­ans eru þau að hand­bært fé eykst um 65,5 m.kr., rekstr­arnið­ur­staða hækk­ar um 148,5 m.kr. og fjár­fest­ing­ar hækka um 83 m.kr.

Af­greiðsla 1562. fund­ar bæj­ar­ráðs sam­þykkt á 819. fundi bæj­ar­stjórn­ar með 11 at­kvæð­um.

Bæj­ar­ráð sam­þykk­ir með fimm at­kvæð­um að hækka frí­stunda­á­vís­an­ir frá 1. ág­úst 2023 með eft­ir­far­andi hætti. Frí­stunda­á­vís­un fyr­ir fyrsta og ann­að barn verði kr. 57.000 og kr. 65.500 fyr­ir þrjú börn eða fleiri. Þá verði frí­stunda­á­vís­un eldri borga kr. 11.000.

Fjár­mála­stjóra er fal­ið að und­ir­búa við­auka við fjár­hags­áætlun vegna breyt­ing­ar­inn­ar.

***
Bók­un D lista:
Full­trú­ar D lista í bæj­ar­ráði fagna því að til­laga flokks­ins um hækk­an­ir á frí­stunda­á­vís­un­um á ár­inu 2023, sem lögð var fram í um­ræðu um fjár­hags­áætlun fyr­ir árið 2023, hafi ver­ið sam­þykkt.

Af­greiðsla 1. fund­ar at­vinnu- og ný­sköp­un­ar­nefnd­ar sam­þykkt á 817. fundi bæj­ar­stjórn­ar með 11 at­kvæð­um.

Af­greiðsla 1558. fund­ar bæj­ar­ráðs sam­þykkt á 817. fundi bæj­ar­stjórn­ar með 11 at­kvæð­um.

Af­greiðsla 232. fund­ar um­hverf­is­nefnd­ar sam­þykkt á 817. fundi bæj­ar­stjórn­ar með 11 at­kvæð­um.

Af­greiðsla 1559. fund­ar bæj­ar­ráðs sam­þykkt á 817. fundi bæj­ar­stjórn­ar með 11 at­kvæð­um.

Af­greiðsla 1559. fund­ar bæj­ar­ráðs sam­þykkt á 817. fundi bæj­ar­stjórn­ar með 11 at­kvæð­um.

Af­greiðsla 31. fund­ar öld­unga­ráðs lögð fram til kynn­ing­ar á 817. fundi bæj­ar­stjórn­ar.

Und­ir þess­um dag­skrárlið mættu einnig til fund­ar­ins Jó­hanna B. Han­sen, fram­kvæmda­stjóri um­hverf­is­sviðs, Linda Udengard, fram­kvæmda­stjóri fræðslu- og frí­stunda­sviðs, Sig­ur­björg Fjöln­is­dótt­ir fram­kvæmda­stjóri fjöl­skyldu­sviðs, Arn­ar Jóns­son, for­stöðu­mað­ur þjón­ustu- og sam­skipta­deild­ar, Hanna Guð­laugs­dótt­ir, mannauðs­stjóri, Pét­ur Jens Lockt­on fjár­mála­stjóri og Anna María Ax­els­dótt­ir, verk­efna­stjóri í fjár­mála­deild.

For­seti gaf bæj­ar­stjóra orð­ið og fór hún yfir fyr­ir­liggj­andi fjár­hags­áætl­un Mos­fells­bæj­ar og stofn­ana hans fyr­ir árin 2023 til 2026.
-------------------------------------------------------------
Helstu nið­ur­stöðu­töl­ur í fyr­ir­liggj­andi fjár­hags­áætl­un fyr­ir árið 2023 A og B hluta eru eft­ir­far­andi:
Tekj­ur: 19.080 m.kr.
Gjöld: 16.744 m.kr.
Af­skrift­ir: 598 m.kr.
Fjár­magns­gjöld: 1.337 m.kr.
Tekju­skatt­ur: 28 m.kr.
Rekstr­arnið­ur­staða: 374 m.kr.
Eign­ir í árs­lok: 29.742 m.kr.
Eig­ið fé í árs­lok: 6.932 m.kr.
Fjár­fest­ing­ar­hreyf­ing­ar: 2.326 m.kr.
-------------------------------------------------------------
Álagn­ingar­pró­sent­ur fast­eigna­gjalda fyr­ir árið 2023 eru eft­ir­far­andi:

Fast­eigna­gjöld íbúð­ar­hús­næð­is (A - skatt­flokk­ur)
Fast­eigna­skatt­ur A 0,195% af fast­eigna­mati húss og lóð­ar
Vatns­gjald 0,065% af fast­eigna­mati húss og lóð­ar
Frá­veitu­gjald 0,090% af fast­eigna­mati húss og lóð­ar
Lóð­ar­leiga A 0,310% af fast­eigna­mati lóð­ar

Fast­eigna­gjöld stofn­ana skv. 3. gr. reglu­gerð­ar 1160/2005 (B - skatt­flokk­ur)
Fast­eigna­skatt­ur B 1,320% af fast­eigna­mati húss og lóð­ar
Vatns­gjald 0,065% af fast­eigna­mati húss og lóð­ar
Frá­veitu­gjald 0,090% af fast­eigna­mati húss og lóð­ar
Lóð­ar­leiga B 1,100% af fast­eigna­mati lóð­ar

Fast­eigna­gjöld ann­ars hús­næð­is (C - skatt­flokk­ur)
Fast­eigna­skatt­ur C 1,520% af fast­eigna­mati húss og lóð­ar
Vatns­gjald 0,065% af fast­eigna­mati húss og lóð­ar
Frá­veitu­gjald 0,090% af fast­eigna­mati húss og lóð­ar
Lóð­ar­leiga C 1,100% af fast­eigna­mati lóð­ar
-------------------------------------------------------------
Gjald­dag­ar fast­eigna­gjalda eru tíu, fyrsta dag hvers mán­að­ar frá 1. fe­brú­ar til og með 1. nóv­em­ber. Eindagi fast­eigna­gjalda er þrjá­tíu dög­um eft­ir gjald­daga og fell­ur all­ur skatt­ur árs­ins í gjald­daga ef van­skil verða. Sé fjár­hæð fast­eigna­gjalda und­ir kr. 40.000 er gjald­dagi þeirra 1. fe­brú­ar með eindaga 2. mars.
-------------------------------------------------------------
Eft­ir­tald­ar regl­ur taka breyt­ing­um og gilda frá 1.1.2023.
Regl­ur um af­slátt af fast­eigna­gjöld­um til elli- og ör­orku­líf­eyr­is­þega.
Regl­ur um fjár­hags­að­stoð í Mos­fells­bæ, framfærslugrunnur
Regl­ur um tekju­við­mið vegna viðbótarnið­ur­greiðslu leik­skóla­gjalda
-------------------------------------------------------------
Eft­ir­far­andi gjald­skrár sem taka gildi 01.01.2023 voru sam­þykkt­ar:
Gjaldskrá leikskóla, dagforeldra og sjálfstætt starfandi leikskóla
Gjald­skrá íþróttamið­stöðva og sund­lauga
Gjald­skrá í frí­stunda­sel­um grunn­skóla

Gjaldskrá ávaxtabita í grunnskólum
Gjaldskrá mötuneytis í grunnskólum
Gjald­skrá Bóka­safns Mos­fells­bæj­ar
Gjald­skrá skipu­lags- og bygg­ing­ar­mála
Gjald­skrá sorp­hirðu
Gjald­skrá frá­veitugjald
Gjald­skrá rot­þró­ar­gjald
Gjald­skrá Vatns­veitu Mos­fells­bæj­ar
Gjald­skrá Hita­veitu Mosfellsbæjar
Gjald­skrár vegna þjónustu stuðn­ings­fjöl­skyldna við fötluð börn
Gjaldskrá fyrir matvæla-, heilbrigðis- og mengunareftirlit 2023
Gjaldskrá fyrir hundahald 2023

Eft­ir­far­andi gjald­skrár sem taka gildi 01.08.2023 voru sam­þykkt­ar:
Gjaldskrá bleyjugjalds í leikskólum
Gjald­skrá Lista­skóla - tón­list­ar­deild
Gjald­skrá Lista­skóla - skóla­hljóm­sveit
Gjald­skrá við­bót­ar­vist­un í frí­stunda­seli
Gjald­skrá frí­stunda­sels fyrir fötluð börn og ung­menna

***
Umræða fór fram um níu breytingartillögur D lista sem lagðar voru fram við fyrri umræðu fjárhagsáætlunar auk þess sem ein ný tillaga var lögð fram á fundinum. Gengið var til atkvæða um breytingatillögurnar:
1. Tillaga um að útsvar verði óbreytt og ekki hækkað upp í löglegt hámark 14,52 %.

Tillögunni var synjað með sex atkvæðum B, C og S lista gegn fjórum atkvæðum D lista. Bæjarfulltrúi L lista sat hjá við atkvæðagreiðsluna.

2. Tillaga um að fasteignagjöld verði lækkuð svo þau hækki ekki umfram vísitölu.

Tillögunni var synjað með sex atkvæðum B, C og S lista gegn fimm atkvæðum D og L lista.

3. Tillaga um að farið verði í framkvæmdir við þjónustubygginguna að Varmá strax í byrjun næsta árs í samræmi við fyrirliggjandi áætlanir.

Tillögunni var synjað með sex atkvæðum B, C og S lista gegn fjórum atkvæðum D lista. Bæjarfulltrúi L lista sat hjá við atkvæðagreiðsluna.

4. Tillaga um að hafnar verði strax framkvæmdir við leikskólann í Helgafellslandi í samræmi við fyrirliggjandi áætlanir og leitað verði annarra leiða til að leysa vöntun á leikskólaplássum þangað til nýr leikskóli verður tilbúinn.

Tillögunni var synjað með sex atkvæðum B, C og S lista gegn fjórum atkvæðum D lista. Bæjarfulltrúi L lista sat hjá við atkvæðagreiðsluna.

5. Tillaga að FabLab smiðja verði sett á stofn í Mosfellsbæ árið 2023 í samræmi við tillögur sem fulltrúar í D lista í bæjarráði lögðu fram og vísað var til nýrrar Nýsköpunar- og atvinnunefndar.

Málsmeðferðartillaga um að tillögunni verði vísað til atvinnu- og nýsköpunarnefndar samþykkt með 11 atkvæðum.

6. Tillaga um að fjármagni verði varið í breytingar á sviðinu í Hlégarði.

Tillögunni var synjað með sex atkvæðum B, C og S lista gegn fjórum atkvæðum D lista. Bæjarfulltrúi L lista sat hjá við atkvæðagreiðsluna.

7. Tillaga um að vegna mikils álags og anna við yfirstandandi og fyrirhugaða uppbyggingu í Mosfellsbæ verði bætt við stöðugildi á umhverfissviði Mosfellsbæjar til að hægt sé afgreiða þau verkefni sem sviðinu berast innan eðlilegs tímaramma.

Málsmeðferðartillaga um frávísun þar sem gert sé ráð fyrir fjölgun stöðugilda í fjárhagsáætlun við síðari umræðu samþykkt með 10 atkvæðum. Rúnar Bragi Guðlaugsson, bæjarfulltrúi D lista, sat hjá við atkvæðagreiðsluna.

8. Tillaga um að lagt verði raunsætt mat á tekjur vegna byggingarréttargjalda og lóðaúthlutunar í Mosfellsbæ á árinu 2023.

Tillögunni var synjað með sex atkvæðum B, C og S lista gegn fjórum atkvæðum D lista. Bæjarfulltrúi L lista sat hjá við atkvæðagreiðsluna.

9. Tillaga um að viðhaldskostnað í áætlun ársins 2023 verði endurskoðuð til lækkunar eins og til dæmis við Kvíslarskóla.

Tillögunni var synjað með sex atkvæðum B, C og S lista gegn fjórum atkvæðum D lista. Bæjarfulltrúi L lista sat hjá við atkvæðagreiðsluna.

10. Tillaga um að frístundaávísanir til barna og ungmenna og eldri borgara verði hækkaðar til samræmis við vísitölu og hækkandi gjaldskrár.

Málsmeðferðartillaga um að tillögunni verði vísað til afgreiðslu bæjarráðs til að unnt sé að leggja mat á kostnað við ákvörðunina var samþykkt með 11 atkvæðum.

***
For­seti þakk­aði starfsfólki bæj­ar­ins sér­stak­lega fyr­ir fram­lag þeirra við und­ir­bún­ing og gerð fjárhagsáætl­un­ar­inn­ar og tóku bæj­ar­full­trú­ar und­ir þakk­ir for­seta til starfs­manna.

Forseti bar tillögu að fjárhagsáætlun Mosfellsbæjar fyrir árin 2023-2026 upp í heild sinni. Fjárhagsáætlunin var samþykkt með sex atkvæðum bæjarfulltrúa B, C og S lista. Bæjarfulltrúar D og L lista sátu hjá við atkvæðagreiðsluna.

***
Bókun B, S og C lista:
Fjárhagsáætlun ársins 2023 er fyrsta fjárhagsáætlun nýs meirihluta í Mosfellsbæ. Í þessari áætlun er lögð áhersla á eflingu grunnþjónustu og áframhaldandi uppbyggingu innviða.

Í núverandi efnahagsumhverfi sem einkennist af óvissu, háum vöxtum og mikilli verðbólgu er mikilvægt að sýna ábyrga fjármálastjórn og gæta aðhalds í rekstri bæjarfélagsins. Með þessar áherslur að leiðarljósi er ánægjulegt að í Mosfellsbæ verði engu að síður mögulegt að styrkja grunnþjónustu sveitarfélagsins svo sem skólaþjónustu og velferðarsvið en fjármagn til velferðarþjónustu hækkar um hálfan milljarð milli ára. Þá verður stöðugildum fjölgað á umhverfissviði til þess að gera því kleift að takast á við þá miklu uppbyggingu sem er fyrirhuguð í sveitarfélaginu.

Lögð er fram mjög metnaðarfull fjárfestingaráætlun með skýra sýn um uppbyggingu til framtíðar. Má þar nefna framkvæmdir á fyrirhuguðu athafnasvæði á Blikastöðum, gatnagerð í Helgafellslandi og Hamraborginni, allt verkefni sem munu skila framtíðartekjum til bæjarfélagsins og skapa ný atvinnutækifæri í Mosfellsbæ. Þá gerir áætlunin ráð fyrir 1,5 milljarði í ný og endurbætt skólahúsnæði og skólalóðir auk þess sem hálfur milljarður er settur í langþráðar endurbætur á Varmárvöllum og uppbyggingar íþróttamannvirkja.
Fjárhagsáætlunin gerir ráð fyrir 374 m.kr. afgangi á næsta ári. Þá verður veltufé frá rekstri jákvætt um 2.103 m.kr. eða 11% af heildartekjum. Skuldaviðmiðið mun lækka í 94% af tekjum í árslok sem er vel undir mörkum sveitarstjórnarlaga.

Gjaldskrár munu hækka hóflega eða í samræmi við verðlag en álagningarprósentur fasteignagjalda lækka bæði á atvinnu- og íbúðahúsnæði.

Við þökkum bæjarstjóra og starfsfólki bæjarins fyrir þá miklu vinnu sem liggur að baki þessari fjárhagsáætlun. Nú sem endranær hafa kjörnir fulltrúar treyst á þekkingu og reynslu þeirra sem að vinnunni koma og við erum þakklát fyrir þeirra framlag.

***
Bókun D lista:
Fjárhagsstaða Mosfellsbæjar er góð þrátt fyrir tímabundna erfiðleika í efnahagsmálum og ljóst að nýr meirihluti Framsóknar, Samfylkingar og Viðreisnar í Bæjarstjórn Mosfellsbæjar tekur við góðu búi. Mjög margt af því sem tilgreint er í fjárhagsáætlun fyrir 2023 er áframhaldandi vinna á góðum verkum fyrri meirihluta fyrir utan boðaðar stórfelldar skattahækkanir sem eru alfarið í boði nýs meirihluta.

Í Mosfellsbæ hefur verið rekin ábyrg og fagleg fjármálastjórn undanfarin mörg ár og bæjarfulltrúar D-lista styðja ávallt ábyrga fjármálastjórnun.

Megin áherslumunur okkar og meirihlutans varðandi þessa fjárhagsáætlun eru vanáætlaðar tekjur af byggingarétti og lóðaúthlutun. Þessi vanáætlun gerir það að verkum að skattar og álögur verða stórhækkaðar á íbúa á þessum tímum verðbólgu, auk mikilla hækkana á allri þjónustu sveitarfélagsins.

Einnig má nefna áherslumun varðandi framkvæmdir og erum við ósammála varðandi frestanir á mjög mikilvægum uppbyggingarverkefnum, svo sem byggingu leikskóla í Helgafellshverfi og nauðsynlegrar uppbyggingar á íþróttasvæðinu að Varmá. Þessar frestanir koma sér illa bæði fyrir fjölskyldur sem þurfa leikskólapláss og fyrir það mikilvæga starf íþrótta og lýðheilsu sem fram fer að Varmá. Auk þess má áætla að þessar frestanir hækki kostnað við framkvæmdir ef og þegar af þeim verður.

Bæjarfulltrúar D-lista lögðu fram tillögur við þessa fjárhagsáætlun um að halda áfram með þessi verkefni auk annarra tillagna en þær voru felldar af meirihlutanum. Af þessum ástæðum gátu fulltrúar D-lista í bæjarstjórn Mosfellsbæjar ekki greitt atkvæði með þessari fjárhagsáætlun og sátu því hjá við afgreiðslu hennar.

Að lokum þakka bæjarfulltrúar D-lista öllu starfsfólki Mosfellsbæjar fyrir vel unnin störf við gerð þessarar fjárhagsáætlunar.

***
Bókun L lista:
Mosfellsbær er stækkandi sveitarfélag með mörg krefjandi verkefni á sinni könnu. Ráðdeild og skynsemi í fjármálum bæjarins skiptir höfuðmáli, sérstaklega í ljósi ytri aðstæðna.

Í fjárhagsáætlun meirihlutans eru lagðar til margar skynsamar tillögur að fjárhag bæjarins á komandi ári. Þó þarf að gæta þess að auknar álögur verði ekki of þung byrði á herðum barnafólks og þeirra tekjulægri og af því höfum við í Vinum Mosfellsbæjar ákveðnar áhyggjur.
Bæjarfulltrúar minnihlutans hafa ekki haft aðkomu að gerð fjárhagsáætlunar og því taldi fulltrúi Vina Mosfellsbæjar sér ekki fært að greiða atkvæði með fjárhagsáætlun komandi árs.

Fulltrúi Vina Mosfellsbæjar sat því hjá við atkvæðagreiðslu fjárhagsáætlun 2023.

Bæj­ar­ráð sam­þykk­ir með fimm at­kvæð­um að vísa fyr­ir­liggj­andi gjald­skrám árs­ins 2023, álagn­ing­ar­for­send­um fast­eigna­gjalda og regl­um um af­slátt af fast­eigna­gjöld­um til stað­fest­ing­ar bæj­ar­stjórn­ar.

Fram­kvæmda­stjóri vel­ferð­ar­sviðs Mo­fells­bæj­ar kynnti fjár­hags­áætlun vel­ferða­sviðs 2023 er varð­ar mála­flokk eldri borg­ara og svar­aði fyr­ir­spurn­um.

Lagt fram.

Bæj­ar­ráð sam­þykk­ir með fimm at­kvæð­um fyr­ir­liggj­andi til­lögu um upp­reikn­ing fjár­magnsliða fjár­hags­áætl­un­ar mið­að við nýja spá Hag­stofu um þró­un vísi­tölu neyslu­verðs.

Af­greiðsla 413. fund­ar fræðslu­nefnd­ar sam­þykkt á 816. fundi bæj­ar­stjórn­ar með níu at­kvæð­um.

Af­greiðsla 413. fund­ar fræðslu­nefnd­ar sam­þykkt á 816. fundi bæj­ar­stjórn­ar með 11 at­kvæð­um.

Af­greiðsla 1. fund­ar vel­ferð­ar­nefnd­ar sam­þykkt á 816. fundi bæj­ar­stjórn­ar með níu at­kvæð­um.

Af­greiðsla 1. fund­ar menn­ing­ar- og lýð­ræð­is­nefnd­ar sam­þykkt á 816. fundi bæj­ar­stjórn­ar með 11 at­kvæð­um.

Af­greiðsla 1. fund­ar vel­ferð­ar­nefnd­ar sam­þykkt á 816. fundi bæj­ar­stjórn­ar með 11 at­kvæð­um.

Af­greiðsla 578. fund­ar skipu­lags­nefnd­ar sam­þykkt á 816. fundi bæj­ar­stjórn­ar með 11 at­kvæð­um.

Af­greiðsla 261. fund­ar íþrótta- og tóm­stunda­nefnd­ar sam­þykkt á 816. fundi bæj­ar­stjórn­ar með 11 at­kvæð­um.

Lagt fram og kynnt.

Lagt fram og kynnt. Jó­hanna B. Han­sen, fram­kvæmda­stjóri um­hverf­is­sviðs fór yfir drög að fjár­hags­áætl­un. Skipulagsnefnd leggur áherslu á að fjármagn verði aukið til umhverfissviðs á næstu árum til að koma til móts við þörf á auknum mannafla á sviðinu vegna mikilla uppbyggingaráforma í sveitarfélaginu.
Afgreitt með fimm atkvæðum.

Af­greiðsla 1. fund­ar menn­ing­ar- og lýð­ræð­is­nefnd­ar sam­þykkt á 815. fundi bæj­ar­stjórn­ar með 11 at­kvæð­um.

Fjár­hags­áætlun 2023 fyr­ir fræðslu og frí­stund­ar­svið Mos­fells­bæj­ar var lögð fram og kynnt.

Fjár­hags­áætlun 2023 fyr­ir fræðslu­svið Mos­fells­bæj­ar var lögð fram og kynnt.

Lagt fram, kynnt og rætt.

Drög að fjár­hags­áætl­un Mos­fells­bæj­ar 2023-2026 frá fyrri um­ræðu bæj­ar­stjórn­ar 9. nóv­em­ber lögð fram og rædd. Auð­ur Hall­dórs­dótt­ir for­stöðu­mað­ur bóka­safns og menn­ing­ar­mála kynnti.

Af­greiðsla 1554. fund­ar bæj­ar­ráðs sam­þykkt á 815. fundi bæj­ar­stjórn­ar með 11 at­kvæð­um.

Und­ir þess­um dag­skrárlið mættu einn­ig til fund­ar­ins Sig­ur­björg Fjöln­is­dótt­ir, fram­kvæmda­stjóri vel­ferð­ar­sviðs, Linda Udengård, fram­kvæmda­stjóri fræðslu- og frí­stunda­sviðs, Jó­hanna B. Han­sen, fram­kvæmda­stjóri um­hverf­is­sviðs, Arn­ar Jóns­son, for­stöðu­mað­ur þjón­ustu- og sam­skipta­deild­ar, Pét­ur Jens Lockton fjár­mála­stjóri og Anna María Ax­els­dótt­ir, verk­efna­stjóri í fjár­mála­deild.

***
Regína Ás­valds­dótt­ir, bæj­ar­stjóri, kynnti drög að fjár­hags­áætlun Mos­fells­bæj­ar 2023-2026 ásamt grein­ar­gerð þar sem helstu markmið og nið­ur­stöð­ur eru rakt­ar nán­ar.

Bæj­ar­stjóri og formað­ur bæj­ar­ráðs þökk­uðu starfs­fólki bæj­ar­ins sér­stak­lega fyr­ir fram­lag þeirra við und­ir­bún­ing áætl­un­ar­inn­ar og tóku að­r­ir bæj­ar­full­trú­ar und­ir þakk­ir til starfs­fólks.

***
Bæj­ar­full­trú­ar D lista lögðu fram til­lög­ur í níu lið­um við fjár­hags­áætlun Mos­fells­bæj­ar 2023-2026. Bæj­ar­stjórn sam­þykk­ir með 11 at­kvæð­um að vísa til­lög­un­um til um­fjöll­un­ar við síð­ari um­ræðu um fjár­hags­áætl­un­ar Mos­fells­bæj­ar og eft­ir at­vik­um til frek­ari vinnslu inn­an stjórn­sýslu Mos­fells­bæj­ar.

***
Bæj­ar­stjórn sam­þykk­ir með 11 at­kvæð­um að vísa fjár­hags­áætlun Mos­fells­bæj­ar til síð­ari um­ræðu í bæj­ar­stjórn sem verði 7. des­em­ber 2022.

Bæj­ar­ráð sam­þykk­ir með fimm at­kvæð­um að vísa drög­um að fjár­hags­áætlun Mos­fells­bæj­ar 2023 til 2026 til fyrri um­ræðu bæj­ar­stjórn­ar sem fram fer 9. nóv­em­ber nk.

Af­greiðsla 1550. fund­ar bæj­ar­ráðs sam­þykkt á 812. fundi bæj­ar­stjórn­ar með 11 at­kvæð­um.

Lagt fram til kynn­ing­ar.

Af­greiðsla 1540. fund­ar bæj­ar­ráðs lögð fram til kynn­ing­ar á 809. fundi bæj­ar­stjórn­ar.

Bæj­ar­ráð sam­þykk­ir með fimm at­kvæð­um að hefja vinnu við fjár­hags­áætlun 2023-2026 í sam­ræmi við fyr­ir­liggj­andi dagskrá.