Bongóblíða í Mosfellsbæ
Á svona góðviðrisdögum eins og hafa verið undanfarna daga er alveg tilvalið að heimsækja sundlaugar bæjarins því fátt er betra fyrir líkama og sál en sund, hvort sem það sé rösklegt sund eða rólegheit í pottinum en í Mosfellsbæ eru tvær frábærar sundlaugar, LÁGAFELLSLAUG og VARMÁRLAUG.
Í túninu heima 2013 - Takið helgina frá!
Bæjarhátíð Mosfellsbæjar Í túninu heima verður nú haldin í 10. sinn.
Hægt að senda inn tilnefningar til umhverfisviðurkenninga 2013
Umhverfisnefnd Mosfellsbæjar veitir árlegar viðurkenningar til þeirra sem taldir eru hafa skarað fram úr í umhverfismálum á árinu.
Sveitahátíðin Kátt í Kjósinni laugardaginn 20. júlí
Sveitahátíðin Kátt í Kjós verður haldin í sjöunda sinn laugardaginn 20. júlí. Glænýr broddur og fleira spennandi í Miðdal. Á Reynivöllum verður erindið “Ég er úr Kjósinni”, þar sem farið verður yfir vísanir til sveitarinnar í verkum Halldórs Laxness. Kjósarrétt mun iða af dýralífi
Í túninu heima 2013 - Viltu taka þátt?
Í túninu heima – Takið helgina frá!
Frábær þátttaka í Sjóvá Kvennahlaup ÍSÍ laugardaginn 8. júní 2013
Um 1487 Mosfellskar konur tóku þátt í Sjóvá Kvennahlaup ÍSÍ sem fór fram í tuttugasta og fjórða sinn, laugardaginn 8. júní. Góð þátttaka var í hlaupinu. Um 14.000 konur tóku þátt á 81 stað út um allt land og á um 17 stöðum í 11 löndum erlendis. Um 4500 konur hlupu í Garðabænum, 1487 í Mosfellsbæ, 650 á Akureyri og um 500 konur erlendis.
Friðarhlaup 2013
Friðarhlaupið fer um Mosfellsbæ fimmtudaginn 11.júlí. Þegar hlaupararnir koma til Mosfellsbæjar mun fara fram stutt friðarstund þar sem krakkar úr Aftureldingu og vinnuskóla Mosfellsbæjar ætla að gróðursetja friðartré með hlaupurum friðarhlaupsins.
Nýr upplýsingavefur fyrir ferðamenn
visitmosfellsbaer.is er nýr vefur á ensku og ætlaður til að þjónusta erlenda ferðamenn sem koma, eða hafa áhuga á að koma, til bæjarins.
Hefur einhver séð Bínó?
Vegna sérstakra aðstæðna auglýsir dýraeftirlit Mosfellsbæjar eftir týndum kisa. Bínó hefur verið týndur síðan 13 júní frá Birkiteigi 3, 270 Mosfellsbær. Hann er blandaður síams/húsköttur með blá stór augu. Hann er mjög ljúfur en getur verið fælin við fólk sem hann þekkir ekki. Ef þið hafið upplýsingar um Bínó þá vinsamlegast hafið samband: Sigrún 846-1915 eða Edith 849-5188. Það má líka senda tölvupóst á hundaeftirlit[hja]mos.is
Afgreiðsla Bæjarstjórnar á aðalskipulagi Mosfellsbæjar 2011-2030
Þann 26. júní samþykkti Bæjarstjórn tillögu að aðalskipulagi Mosfellsbæjar 2011-2030, og bíður hún nú staðfestingar Skipulagsstofnunar.
Sirkusheimsókn í Mosfellsbæ
Í sumar kemur til landsins barna og unglinga sirkusinn Cirkus Flik Flak frá Danmörku. Sirkusinn mun heimsækja Mosfellsbæ 11.-14. júlí og mun vera með sýningu í Íþróttamiðstöðinni Lágafell þann 11. júlí kl.18:00. Frábær skemmtun fyrir alla fjölskylduna. Allir hjartanlega velkomnir.
Athafnasvæði Desjarmýri, breyting á deiliskipulagi.
Tillaga að breytingum á deiliskipulagi varðandi lóð nr. 7, í því skyni að byggja megi á henni geymsluhúsnæði á einni hæð í litlum, sambyggðum einingum. Athugasemdafrestur til 8. ágúst 2013.
Vel heppnað skuldabréfaútboð - vaxtakjör aldrei betri
Mosfellsbær efndi á dögunum til skuldabréfaútboðs á verðtryggðum skuldabréfum og sáu markaðsviðskipti H.F. Verðbréfa um útboðið. Sala skuldabréfaflokksins MOS 13 1 gekk vonum framar og voru seldar 600 milljónir á ávöxtunarkröfunni 3,05% en flokkurinn er með jöfnum afborgunum og lokagjalddaga á árinu 2034. Nýverið hefur einnig verið tekið lán hjá Lánasjóði sveitarfélaga að fjárhæð 300 milljónir til 11 ára en þau bréf eru með 2,65% verðtryggðum vöxtum.
Baugshlíð lokuð vegna framkvæmda 4. júlí
Vegna malbikunarframkvæmda verður Baugshlíð lokuð frá Lækjarhlið / Þrastarhöfða að Vesturlandsvegi frá kl. 09:00 og fram eftir degi, fimmtudaginn 4. júlí.
Gæsluleikvöllur Mosfellsbæjar opinn frá 1. júlí
Gæsluleikvöllur Mosfellsbæjar verður opinn frá 1. júlí til og með 1. ágúst.
Gilitrutt sýnd í Mosfellsbæ í dag
Aðgerðaráætlun gegn hávaða
Mosfellsbær kynnir bæjarbúum nú drög að aðgerðaáætlun gegn hávaða fyrir árin 2013-2018.Gerð aðgerðaáætlunar gegn hávaða er hluti af tilskipun Evrópusambandsins um umhverfishávaða (2002/49/EC), sem var innleidd á Íslandi með reglugerð um kortlagningu hávaða og aðgerðaáætlanir nr. 1000/2005 og hefur það að markmiði að draga úr hávaða og óæskilegum áhrifum hans. Aðgerðaáætlunin er byggð á niðurstöðum kortlagningar hávaða frá árinu 2012, ásamt hávaðakortum sem sýna hljóðstig í 2 m hæð yfir jörðu.
Opið hús á Hömrum - hjúkrunarheimili í dag
Í dag, mánudaginn 1. júlí, verður opið hús klukkan 17.00 til 19.00 á Hömrum þar sem bæjarbúum gefst kostur á að skoða þetta glæsilega hús. Hjúkrunarheimilið var formlega vígt fimmtudaginn 27.júní að viðstöddu fjölmenni. Gera má ráð fyrir að fyrsta heimilisfólkið flytji inn í lok sumars. Íbúar Mosfellsbæjar eru hvattir til að líta við og nota tækifærið til að skoða þessa mikilvægu viðbót í þjónustuna í bænum.
Óskað eftir tilnefningum til umhverfisviðurkenninga fyrir árið 2013
Umhverfisnefnd Mosfellsbæjar óskar eftir tilnefningum til umhverfisviðurkenninga Mosfellsbæjar fyrir árið 2013.
Stórmót Gogga Galvaska verður í Mosfellsbæ helgina 28. – 30. júní 2013
Undanfarin ár hefur Frjálsíþróttadeild Ungmennafélagsins Aftureldingar haldið sitt árlega frjálsíþróttamót fyrir börn og unglinga að 14 ára aldri hér í Mosfellsbæ.
