Okkar árlega bæjarhátíð Í túninu heima verður haldin helgina 30. – 1. september. Hátíðin er sannkölluð fjölskylduhátíð sem stendur í þrjá daga og geta allir fundið eitthvað við sitt hæfi. Fjölbreyttir menningarviðburðir eru í boði að vanda, barnadagskrá, tívolí, tónleikar, myndlistasýningar, útimarkaðir og íþróttaviðburðir svo fátt eitt sé nefnt.
Hátíðin hefst formlega á föstudagskvöldi á miðbæjartorgi Mosfellsbæjar þaðan sem gengið verður í karnivalskrúðgöngu í Ullarnesbrekkur milli Varmár og Köldukvíslar þar sem varðeldur verður tendraður og brekkusöngur fer fram. Nýjung á hátíðinni í ár er að 7 tinda hlaupið sem haldið hefur verið í júní síðustu ár verður laugardaginn 31. ágúst og því hluti af hátíðinni. Skátafélagið Mosverjar ásamt Björgunarsveitinni Kyndli hafa haft veg og vanda af hlaupinu síðustu ár. Útimarkaðir verða bæði í Álafosskvos og Mosfellsdal.
Vilt þú taka þátt Í túninu heima? Viðburði og dagskrárliði sem eiga að vera á hátíðinni þarf að tilkynna með tölvupósti á ituninuheima[hja]simnet.is
Íbúar, félagasamtök og fyrirtæki í Mosfellsbæ eru hvattir til að taka virkan þátt í hátíðinni og ef einhverjir luma á hugmyndum eða vilja vera með viðburð Í túninu heima hjá sér þá er líka hægt að hafa samband við Daða Þór Einarsson verkefnastjóra hátíðarinnar í síma 663-9225.
Bærinn skartaði skemmtilegum skreytingum árið 2012 en hefðin hefur verið sú að hvert hverfi hefur fengið sinn lit.
Tengt efni
Einstök stemming Í túninu heima
Bæjarhátíðin okkar Í túninu heima heppnaðist einstaklega vel og var þátttakan frábær að vanda.
Starfsaldursviðurkenningar veittar á hátíðardagskrá
Á hátíðardagskrá sem var haldin í Hlégarði í gær, í tengslum við bæjarhátíðina Í túninu heima fengu fimm starfsmenn Mosfellsbæjar starfsaldursviðurkenningu.
Metþátttaka á setningarathöfn Í túninu heima 2023
Metþátttaka var á setningarathöfn bæjarhátíðarinnar Í túninu heima í Álafosskvosinni í Mosfellsbæ í gærkvöldi.
