Fatlað fólk

1. gr. Upphæð gjalds

Stakt fargjald fyrir akstursþjónustu fatlaðs fólks skal miðast við stakt gjald fyrir öryrkja hjá Strætó bs. samkvæmt gjaldskrá Strætó bs. hverju sinni. Börn 11 ára og yngri eru undanþegin gjaldskyldu.

Gjald vegna tímabilskorta fyrir notendur akstursþjónustu fatlaðs fólks miðast við tímabilskort fyrir öryrkja samkvæmt gjaldskrá Stætó bs. hverju sinni.

Nemakort fyrir 16 ára og eldri, sem stunda viðurkennt framhalds- eða háskólanám, skal miðast við tímabilskort fyrir öryrkja samkvæmt gjaldskrá Strætó bs. hverju sinni.

Fargjald fyrir aðra farþega sem ferðast með notendum akstursþjónustunnar er í samræmi við almenna gjaldskrá Strætó bs. hverju sinni.

2. gr. Gildistaka

Gjaldskrá þessi er sett skv. 29. gr. laga um félagsþjónustu sveitarfélaga nr. 40/1991.

Gjaldskrá þessi tekur gildi 1. janúar 2025 og fellur þá jafnframt úr gildi eldri gjaldskrá akstursþjónustu fatlaðs fólks.

1. gr.

Gjald fyrir vistun í frístundaseli fer eftir fjölda skráðra klukkustunda. Gjald lækkar ekki þrátt fyrir skerta daga eða ef börn/ungmenni nýta ekki þjónustu s.s. vegna veikinda eða leyfis.

Hægt er að sækja um systkinaafslátt samkvæmt samþykkt bæjarstjórnar þar um, inn á umsókn um frístundasel.

2. gr.

Grunngjald fyrir hverja klukkustund í frístundaseljum er 404 kr., lágmarksfjöldi vistunarstunda á viku eru 4 tímar.

Fyrir viðbótarvistun er greitt 3.437 kr. fyrir hvern dag.

Fyrir viðbótarvistun á sumarleyfistíma skóla er greitt 12.005 kr. fyrir hverja viku, miðað við 7 tíma vistun á dag en hálft það gjald sé vistun hálfan dag.

Fyrir auka vistun á sumarleyfistíma milli kl. 8-9 eða 16-17 er greitt 566 kr. á klukkustund.

3. gr.

Breytingaóskir þurfa að berast fyrir 20. hvers mánaðar og taka gildi næstu mánaðarmót á eftir.

4. gr

Gjaldskrá þessi er samþykkt á fundi bæjarstjórnar Mosfellsbæjar þann 4. desember 2024. Gjaldskráin öðlast gildi 1. janúar 2025.

1. gr.

Gjald vegna heimsendingar fæðis frá íbúða- og þjónustuhúsi að Hlaðhömrum á vegum Mosfellsbæjar er sem hér segir:

Heimsending á fæði kr. 343.

2. gr.

Gjaldskrá þessi skal taka breytingum 1. janúar ár hvert í samræmi við breytingu á neysluvísitölu.

3. gr.

Gjaldskrá þessi er samþykkt á 594. fundi bæjarstjórnar Mosfellsbæjar.

Upphæð í gjaldskrá þessari gildir frá 1. janúar 2025.

Gjaldskrá vegna þjónustu stuðningsfjölskyldna við fötluð börn.

1. gr.

Mosfellsbær greiðir stuðningsfjölskyldu barns þóknun fyrir hvern sólarhring sem barnið dvelur hjá fjölskyldunni. Greiðslur eru stigskiptar eftir umfangi fötlunar og/eða umönnunarþörf. Fyrir fötluð börn styðjast þær við umönnunarmat frá Tryggingastofnun ríkisins og þá flokkun sem fram kemur í reglugerð þar að lútandi.¹

Fjárhæð greiðslna er sem hér segir:

• 1. fl.: Börn sem eru algerlega háð öðrum með athafnir daglegs lífs.
  Greiddar eru kr. 49.982 fyrir hvern sólarhring.
• 2. fl.: Börn sem þurfa verulega aðstoð við athafnir daglegs lífs og gæslu.
  Greiddar eru kr. 38.678 fyrir hvern sólarhring.
• 3. fl.: Börn sem þurfa minni aðstoð en skv. 1. og 2. fl. en þurfa eftirlit við athafnir daglegs lífs.
  Greiddar eru kr. 32.756 fyrir hvern sólarhring.

Greiðslur til stuðningsfjölskyldna eru skattaskyldar verktakagreiðslur en draga má frá kostnað samkvæmt reglum Ríkisskattstjóra sem fjölskyldusvið Mosfellsbæjar vísar á.

2. gr.

Gjaldskrá þessi, sem samþykkt var í bæjarstjórn 4. desember 2024 og öðlast gildi 1. janúar 2025.

¹Reglugerð nr. 504/1997, um fjárhagslega aðstoð við framfærendur fatlaðra og langveikra barna.

Gjaldskrá stuðningsþjónustu í Mosfellsbæ.

1. gr.

Fyrir stuðningsþjónustu á vegum Mosfellsbæjar skal greiða gjald, sem nemur 2.415 kr. á klukkustund. Elli- og örorkulífeyrisþegar greiði gjald sem nemur 1.113 kr. á klukkustund.

Gjaldskráin skal taka breytingum 1. janúar ár hvert í samræmi við breytingu á neysluvísitölu.

2. gr.

Undanþegnir gjaldskyldu vegna stuðningsþjónustu skulu þeir sem ekki hafa aðrar tekjur en ellilífeyri/örorkulífeyri og óskerta tekjutryggingu.

Lífeyrisþegar greiða aldrei hærra gjald fyrir félagslega heimaþjónustu en sem nemur 75% af tekjum umfram lífeyri, eins og hann er skilgreindur hér að framan.

3. gr.

Velferðarnefnd er heimilt að gefa eftir hluta greiðslu fyrir veitta stuðningsþjónustu eða fella greiðslu alveg niður. Skal þá tekið tillit til efnahags og annarra aðstæðna.

4. gr.

Gjaldskrá þessi er sett samkvæmt lögum nr. 40/1991 um félagsþjónustu sveitarfélaga og gildir frá 1. janúar 2012.

Upphæðir í gjaldskrá þessari, sem er samþykkt af bæjarstjórn Mosfellsbæjar, gildir frá 1. janúar 2025.