Eldra fólk

Eldra fólk sem býr heima en þarf reglu­lega umönn­un eða stuðn­ing get­ur sótt um að kom­ast í dagdvöl, einn eða fleiri daga vik­unn­ar. Markmið með dagdvöl er að styðja fólk til þess að geta búið sem lengst heima, við­halda og/eða auka færni, rjúfa fé­lag­lega ein­angr­un.

Í dagdvöl er boð­ið upp á ýmis kon­ar fé­lags­st­arf, tóm­stundar­iðju og virkni, auk að­stoð­ar við at­hafn­ir dag­legs lífs.

Í dagdvöl­inni er boð­ið upp á morg­un­mat, há­deg­is­mat og mið­dagskaffi.

Greitt er fyr­ir þjón­ust­una sam­kvæmt gjaldskrá.

Að Eir­hömr­um eru ör­yggis­íbúð­ir á veg­um Eir­ar þar sem er veitt stuðn­ings­þjón­usta og heima­hjúkr­un. Einn­ig er þar mið­stöð stuðn­ings­þjón­ustu Mos­fells­bæj­ar, mat­ar­þjón­usta, fé­lags­st­arf og dagdvöl.

Þeg­ar þjón­usta frá sveit­ar­fé­lag­inu og heilsu­gæsl­unni er full­nýtt og dug­ar ekki til, er hægt að sækja um færni- og heil­sum­at sem er for­senda fyr­ir því að kom­ast inn á hjúkr­un­ar­heim­ili.

Um­sókn þarf að berast skrif­lega frá heil­brigð­is­starfs­fólki.

Að Hömr­um eru 33 hjúkr­un­ar­rými.

Eldri borg­ur­um stend­ur til boða að kaupa mál­tíð­ir í þjón­ustumið­stöð­inni Eir­hömr­um í há­deg­inu alla virka daga en panta þarf slíkt fyr­ir­fram í síma 566-8060.

Víða á hjúkr­un­ar­heim­il­um og heil­brigð­is­stofn­un­um eru í boði tíma­bundn­ar hvíld­ar- eða end­ur­hæf­ing­ar­inn­lagn­ir fyr­ir eldra fólk og er hægt að sækja um slíkt í gegn­um heil­brigð­is­starfs­fólk.

Upp­lýs­ing­ar um hvað­eina sem teng­ist þjón­ustu við eldra fólk, rétt­ind­um þess og heilsu­efl­ingu má nú í fyrsta sinn nálg­ast á ein­um stað á vefn­um is­land.is, und­ir heit­inu „Að eldast“.

Þar má nálg­ast yf­ir­grips­mikla um­fjöllun um fjöl­breytta þætti er tengjast því að eldast.

Mos­fells­bær veit­ir tekju­lág­um elli- og ör­orku­líf­eyr­is­þeg­um af­slátt af fast­eigna­gjöld­um og frá­veitu­gjaldi sem reikn­ast sjálf­krafa frá skatt­stjóra.

Akst­urs­þjón­ust­an er ætluð íbú­um sem eru 67 ára og eldri, búa í heima­húsi, hafa ekki að­g­ang að eig­in far­ar­tæki og eru ófær­ir um að nota al­menn­ings­sam­göng­ur vegna langvar­andi hreyfi­höml­un­ar.

Greitt er fyr­ir þjón­ust­una sam­kvæmt gjaldskrá.

Leið­bein­ing­ar:

1. Fara á Mín­ar síð­ur Mos­fells­bæj­ar.
2. Skrá sig inn með ra­f­ræn­um skil­ríkj­um eða Ís­lykli.
3. Velja flokk­inn „Um­sókn­ir“.
4. Velja „Að­r­ar um­sókn­ir“.
5. Velja „Frí­stunda­á­vís­un 67 ára og eldri“.
6. Fylla út um­sókn­ina.
7. Setja greiðslu­kvitt­un sem við­hengi við um­sókn­ina. Ef kvitt­un­in er bara til á papp­ír þarf að fara í Þjón­ustu­ver Mos­fells­bæj­ar, Þver­holti 2, 2. hæð, og af­henda kvitt­un­ina þar.
8. Smella á hnapp­inn „Senda um­sókn“.

Á Heilsu­gæsl­unni í Mos­fells­bæ er m.a. í boði sér­hæfð ráð­gjöf vegna öldrun­ar­mála.

Heilsu­gæsl­an að Sunnukrika 3 er opin frá kl. 8–16 virka daga, svarað er í síma 513-6050 á opn­un­ar­tíma.

Fyr­ir ráð­gjöf og er­indi utan opn­un­ar­tíma má hafa sam­band við Heilsu­veru í síma 1700, opið all­an sól­ar­hring­inn.

Hlut­verk heima­hjúkr­un­ar er að styrkja og við­halda and­legu og lík­am­legu heil­brigði fólks og draga úr ein­angr­un, ein­kenn­um og af­leið­ing­um sjúk­dóma, eins og kost­ur er.

Um­sókn þarf að berast skrif­lega frá heil­brigð­is­starfs­fólki.

Hægt er að sækja um heimsend­an mat fyr­ir þá ein­stak­linga sem ekki eru fær­ir um að ann­ast matseld sjálf­ir og eru ófær­ir um að sækja sækja mat­ar­þjón­ustu að Eir­hömr­um.

Heimsend­ing á mat­ar­bökk­um er í boði alla daga vik­unn­ar og bæt­ist send­ing­ar­gjald við mál­tíð­ina.

Afpönt­un á heimsend­ingu þarf að berast með a.m.k. dags fyr­ir­vara í s. 897-9561 til að koma í veg fyr­ir mat­ar­sóun og rukk­un.

Hægt er að óska eft­ir lyfja­skömmt­un þar sem lyf eru skömmt­uð í poka. Pok­arn­ir eru merkt­ir með dag­setn­ingu og tíma. Lyfja­versl­an­ir bjóða þjón­ust­una gegn gjaldi.

Sótt er um til lyfja­versl­un­ar og lækn­ir send­ir lyf­seðla þang­að. Einn­ig er hægt að óska eft­ir að fá lyf­in send heim.

Starfs­fólk vel­ferð­ar­sviðs Mos­fells­bæj­ar veit­ir upp­lýs­ing­ar og leið­bein­ing­ar um ým­iss kon­ar rétt­inda­mál og fé­lags­leg­an stuðn­ing.

Þau sem ekki geta séð hjálp­ar­laust um per­sónu­lega um­hirðu eða heim­il­is­hald geta sótt um stuðn­ings­þjón­ustu. Þjón­ust­an mið­ast við ein­stak­lings­bund­ið mat á þjón­ustu­þörf. Leit­ast er við að veita þá þjón­ustu, sem við­kom­andi er ófær um að ann­ast.

Hlut­verk öld­unga­ráðs Mos­fells­bæj­ar er að vera form­leg­ur og milli­liða­laus vett­vang­ur sam­ráðs og sam­starfs við bæj­ar­yf­ir­völd um hags­muni eldri borg­ara í sveit­ar­fé­lag­inu. Ráð­ið stuðl­ar þann­ig að skoð­ana­skipt­um og miðlun upp­lýs­inga milli eldri borg­ara og stjórn­valda bæj­ar­ins um stefnu og fram­kvæmd í mál­efn­um sem varða eldri borg­ara og er bæj­ar­ráði, bæj­ar­stjórn og fasta­nefnd­um til ráð­gjaf­ar í þeim efn­um.