Betri sam­göng­ur sam­göngusátt­máli

Af­greiðsla 1653. fund­ar bæj­ar­ráðs stað­fest á 864. fundi bæj­ar­stjórn­ar með 11 at­kvæð­um.

Sex mán­aða skýrsla Betri sam­gangna ohf. um stöðu og fram­gang verk­efna lögð fram.

Fund­ar­hlé hófst kl. 18:07. Fund­ur hófst aft­ur kl. 18:29.

***
Bæj­ar­stjórn sam­þykk­ir með 10 at­kvæð­um við síð­ari um­ræðu eft­ir­far­andi gögn sem tengjast upp­færslu Sam­göngusátt­mál­ans: við­auka við Sam­göngusátt­mála ásamt fylgiskjöl­um, sam­komulag um rekst­ur al­menn­ings­sam­gangna, stjórn­skipu­lag og veg­hald og yf­ir­lýs­ing með við­auka um upp­færslu Sam­göngusátt­mála. Bæj­ar­full­trúi L lista greið­ir at­kvæði gegn til­lög­unni.

***
Bók­un B, S og C lista:
Meiri­hluti B, S og C lista fagn­ar sam­þykkt á upp­færð­um Sam­göngusátt­mála höf­uð­borg­ar­svæð­is­ins milli sveit­ar­fé­lag­anna á svæð­inu og rík­is­ins sem upp­haf­lega var und­ir­rit­að­ur 2019.

Í sátt­mál­an­um er sam­mælst um sam­eig­in­lega fram­tíð­ar­sýn í sam­göngu­mál­um fyr­ir allt höf­uð­borg­ar­svæð­ið til árs­ins 2040. Til­gang­ur­inn er að bæta ör­yggi og að­stæð­ur fyr­ir alla sam­göngu­máta, greiða fyr­ir um­ferð, efla al­menn­ings­sam­göng­ur og tryggja að íbú­ar svæð­is­ins eigi raun­veru­legt val um ferða­máta. Höf­uð­borg­ar­svæð­ið er eitt at­vinnusvæði. Mos­fell­ing­ar sækja vinnu, nám og þjón­ustu víðs veg­ar um svæð­ið og munu þ.a.l. njóta góðs af fram­kvæmd­um víða á svæð­inu.

Í upp­færð­um sátt­mála hafa kostn­að­ar­áætlan­ir ver­ið end­ur­skoð­að­ar sem og tíma­setn­ing ein­stakra verk­efna. Sam­kvæmt sátt­mál­an­um skulu 42% út­gjalda fara til stofn­vega­fram­kvæmda, önn­ur 42% í Borg­ar­línu, 13% í upp­bygg­ingu hjóla- og göngu­stíga og 3% í um­ferð­ar­stýr­ingu, flæði og ör­yggi.

Mik­il­vægt er að í þess­um samn­ingi kem­ur rík­ið inn með stór­auk­ið fé til rekst­urs al­menn­ings­sam­gangna á höf­uð­borg­ar­svæð­inu. Sam­kvæmt sátt­mál­an­um verða al­menn­ings­sam­göng­ur efld­ar til muna sem og að­r­ir vist­væn­ir ferða­mát­ar sem ætti að draga úr meng­un og los­un gróð­ur­húsaloft­teg­unda.

Fyr­ir okk­ur Mos­fell­inga er sér­stak­lega ánægju­legt að tíma­setn­ing á Borg­ar­línu til Mos­fells­bæj­ar breyt­ist ekki þrátt fyr­ir að ýms­um öðr­um verk­efn­um seinki frá fyrri áætlun. Þá er það í senn ánægju­legt og mik­il­vægt að Sæ­braut­ar­stokk­ur­inn er kom­inn á áætlun, en hann er lyk­il­at­riði fyr­ir teng­ingu Sunda­braut­ar inn á Sæ­braut.

***

Bók­un bæj­ar­full­trúa D-lista
Það er margt já­kvætt í upp­færð­um Sam­göngusátt­mála sem er nauð­syn­leg­ur til að kom­ast úr þeirri kyrr­stöðu sem ríkt hef­ur í sam­göngu­mál­um á höf­uð­borg­ar­svæð­inu. Það er einn­ig já­kvætt að rík­ið komi með auk­ið fjár­magn í verk­efn­ið og taki þátt í stofn­un og rekstri fé­lags um al­menn­ings­sam­göng­ur á höf­uð­borg­ar­svæð­inu.

Bæj­ar­full­trú­ar D lista gera þó at­huga­semd­ir og fyr­ir­vara varð­andi upp­færð­an Sam­göngusátt­mála, einkum hvað varð­ar for­gangs­röðun verk­efna, skipu­lags­mál og kostn­að­ar­áætlun.

Frest­un verk­efna Sam­göngusátt­mál­ans síð­ustu árin, ásamt skipu­lags­breyt­ing­um meiri­hlut­ans í Reykja­vík varð­andi skerð­ingu á um­ferð einka­bíla eru for­sendu­brest­ur við markmið sátt­mál­ans. Þess­ar breyt­ing­ar kalla á ann­ars­kon­ar fram­kvæmdaröðun en þá sem kveð­ið er á um í upp­færð­um Sam­göngusátt­mála. Má til dæm­is nefna mis­læg gatna­mót við Bú­stað­ar­veg, legu, skipu­lag og hönn­un Sunda­braut­ar. Í kostn­að­ar­áætlun virð­ist vanta áætl­að­an kostn­að m.a. fyr­ir vagna­kaup og upp­kaup lands.

Sam­göngusátt­mál­inn er lang­tíma verk­efni og ljóst að þetta stóra mik­il­væga verk­efni á eft­ir að fara í gegn­um fleiri upp­færsl­ur og taka breyt­ing­um í tíma, skipu­lagi og kostn­aði.

Með áfram­hald­andi fjölg­un íbúa á höf­uð­borg­ar­svæð­inu má gera ráð fyr­ir að um­ferða­þungi auk­ist mik­ið á næstu árum. Það er því nauð­syn­legt að bregð­ast strax við með að­gerð­um til að auka flæði strætó og al­menn­ar bílaum­ferð­ar þar til stærri verk­efni sátt­mál­ans eins og borg­ar­lín­an, stokk­ar og göng verða til­bú­in.

Í sátt­mál­an­um kem­ur fram að flýti- og um­ferð­ar­gjöld verði tekin upp árið 2030, og gert er ráð fyr­ir að þessi gjald­taka hafi áhrif á ferða­venj­ur íbúa höf­uð­borg­ar­svæð­is­ins. Ef mark­mið­ið er að auka notk­un al­menn­ings­sam­gangna með­al íbúa, er nauð­syn­legt að hefja sem fyrst vinnu við að bæta gæði þjón­ust­unn­ar og ímynd al­menn­ings­sam­gangna í sam­fé­lag­inu, sem og að hafa áhrif á ferða­venj­ur fólks.

Hlut­verk okk­ar bæj­ar­full­trúa er að standa vörð um hags­muni íbúa Mos­fells­bæj­ar í öll­um mál­um og at­huga­semd­ir okk­ar við Sam­göngusátt­mál­ann eru í sam­ræmi við það. Áhyggj­ur okk­ar bein­ast að óljós­um heild­ar­kostn­aði sátt­mál­ans, for­gangs­röðun verk­efna og tíma­línu Sunda­braut­ar, sem ekki er hluti af sátt­mál­an­um. Í ljósi reynsl­unn­ar er ólík­legt að sú tíma­lína sem sett er upp í upp­færð­um sátt­mála muni standast og því leiða til auk­ins um­ferða­vanda á höf­uð­borg­ar­svæð­inu og þ.m.t. til og frá Mos­fells­bæ.
Þrátt fyr­ir ákveðna ágalla í upp­færð­um Sam­göngusátt­mála telj­um við mik­il­vægt að halda áfram með þetta nauð­syn­lega, stóra sam­starfs­verk­efni rík­is og sveit­ar­fé­laga á höf­uð­borg­ar­svæð­inu.

Bæj­ar­full­trú­ar D lista munu áfram benda á það sem bet­ur má fara, styðja það sem vel er gert og hafa hags­muni Mos­fell­inga að leið­ar­ljósi í þeim ákvörð­un­um sem tengjast sátt­mál­an­um. Með vís­an til þessa styðj­um við sam­þykkt­ina um upp­færslu Sam­göngusátt­mál­ans.

***

Bók­un bæj­ar­full­trúa L lista:
All­ir eru sam­mála um mik­il­vægi á upp­færslu sátt­mál­ans og þess að fara í fram­kvæmd­ir sem liðka fyr­ir um­ferð á höf­uð­borg­ar­svæð­inu og bjóða upp á fjöl­breytt­ari val­kosti til ferða á milli svæða. Sér í lagi í ljósi stærð­ar sátt­mál­ans og fjölda verk­efna. Vin­ir Mos­fells­bæj­ar lýs­um yfir von­brigð­um sín­um með að kjörn­ir full­trú­ar hafi ekki haft tæki­færi á sam­tali og að koma á fram­færi spurn­ing­um fyr­ir und­ir­rit­un sátt­mál­ans. Það ger­ir það að verk­um að mörg­um spurn­ing­um er ósvarað. Hags­mun­ir Mos­fells­bæj­ar eru rík­ir og þarf að standa vörð um þá.

Bæj­ar­full­trúi Vina Mos­fells­bæj­ar greið­ir í ljósi þessa at­kvæði gegn uppfærslu á sáttmálanum.

Af­greiðsla 1636. fund­ar bæj­ar­ráðs sam­þykkt á 856. fundi bæj­ar­stjórn­ar með 11 at­kvæð­um.

Bæj­ar­stjórn sam­þykk­ir með 11 at­kvæð­um að vísa mál­inu til síð­ari um­ræðu í bæj­ar­stjórn.

Bæj­ar­ráð sam­þykk­ir með fimm at­kvæð­um að vísa mál­inu til af­greiðslu bæj­ar­stjórn­ar.

Á fund bæj­ar­ráðs komu Páll Björg­vin Guð­munds­son, fram­kvæmda­stjóri SSH, Þor­steinn R. Her­manns­son og Þröst­ur Guð­munds­son frá Betri Sam­göng­um, Jó­hann­es Rún­ars­son, fram­kvæmda­stjóri Strætó bs. og Birg­ir B. Sig­ur­jóns­son, ráð­gjafi. Þá sátu fund­inn und­ir þess­um dag­skrárlið bæj­ar­full­trú­arn­ir Örv­ar Jó­hanns­son, Sæv­ar Birg­is­son, Aldís Stef­áns­dótt­ir og Rún­ar Bragi Guð­laugs­son (Teams), Guð­mund­ur Hreins­son nefnd­ar­mað­ur í skipu­lags­nefnd (Teams) og Krist­inn Páls­son, skipu­lags­full­trúi.

Á fund­in­um fór fram kynn­ing á upp­færð­um Sam­göngusátt­mála sem und­ir­rit­að­ur var 21. ág­úst sl. með fyr­ir­vara af hálfu rík­is­ins um að Al­þingi sam­þykki þær laga­breyt­ing­ar sem sam­komu­lag­ið kveð­ur á um og sveit­ar­fé­lag­anna um sam­þykki sveit­ar­stjórna.

Mál­ið verð­ur til af­greiðslu á næsta fundi bæj­ar­ráðs þann 5. sept­em­ber nk. Í kjöl­far þess verði mál­ið rætt við tvær um­ræð­ur í bæj­ar­stjórn.

Af­greiðsla 1635. fund­ar bæj­ar­ráðs sam­þykkt á 855. fundi bæj­ar­stjórn­ar með 11 at­kvæð­um.

Upp­færð­ur sam­göngusátt­máli ásamt fylgigögn­um, sem und­ir­rit­að­ur var 21. ág­úst með fyr­ir­vara um af­greiðslu bæj­ar­ráðs og bæj­ar­stjórn­ar, lagð­ur fram á fund­in­um til upp­lýs­inga. Kynn­ing á sátta­mál­an­um fer fram á næsta fundi bæj­ar­ráðs þann 29. ág­úst nk.

Af­greiðsla 1633. fund­ar bæj­ar­ráðs sam­þykkt á 854. fundi bæj­ar­stjórn­ar með 11 at­kvæð­um.

Af­greiðsla 1633. fund­ar bæj­ar­ráðs lögð fram til kynn­ing­ar á 854. fundi bæj­ar­stjórn­ar.

Sex mán­aða skýrsla Betri sam­gangna ohf. um stöðu og fram­gang verk­efna lögð fram.

Af­greiðsla 1611. fund­ar bæj­ar­ráðs sam­þykkt á 844. fundi bæj­ar­stjórn­ar með 11 at­kvæð­um.

Sex mán­aða skýrsla Betri sam­gangna ohf. um stöðu og fram­gang verk­efna lögð fram.

Af­greiðsla 1587. fund­ar bæj­ar­ráðs lögð fram til kynn­ing­ar á 832. fundi bæj­ar­stjórn­ar.

Sex mán­aða skýrsla Betri sam­gangna ohf. um stöðu og fram­gang verk­efna lögð fram.

Af­greiðsla 1573. fund­ar bæj­ar­ráðs sam­þykkt á 824. fundi bæj­ar­stjórn­ar með 11 at­kvæð­um.

Af­greiðsla 1572. fund­ar bæj­ar­ráðs sam­þykkt á 824. fundi bæj­ar­stjórn­ar með 11 at­kvæð­um.

Bók­un bæj­ar­ráðs Mos­fells­bæj­ar:
Í sam­göngusátt­mál­an­um felst sam­eig­in­leg sýn rík­is­ins og sveit­ar­fé­laga á höf­uð­borg­ar­svæð­inu á hvern­ig um­ferð­ar­vandi svæð­is­ins verð­ur best leyst­ur til lengri tíma. Sú fjölg­un íbúa sem gert er ráð fyr­ir á höf­uð­borg­ar­svæð­inu fram til 2040 krefst þess að hald­ið verði rétt á spil­un­um með hags­muni fram­tíð­arkyn­slóða í for­grunni. Þeg­ar hafa nokk­ur verk­efni ver­ið fram­kvæmd sem sýna strax kosti þess sam­st­arf og gefa fyr­ir­heit um fram­tíð­ina. Nýtt sam­komulag um upp­færslu kostn­að­ar­áætl­ana stórra fram­kvæmda m.t.t verð­hækk­ana sem orð­ið hafa og vanáætl­ana í ein­hverj­um til­vik­um er gott og nauð­syn­legt skref. Bætt­ar sam­göng­ur eru lífs­gæða­mál fyr­ir alla íbúa höf­uð­borg­ar­svæð­is­ins, þær minnka meng­un, stytta ferða­tíma og auka val um ferða­máta

Frestað vegna tíma­skorts.

Af­greiðsla 1565. fund­ar bæj­ar­ráðs sam­þykkt á 820. fundi bæj­ar­stjórn­ar með 11 at­kvæð­um.

Sex mán­aða skýrsla Betri sam­ganga lögð fram til kynn­ing­ar.