Skýrsla um þarf­agrein­ingu þjón­ustu- og að­komu­bygg­ing­ar að Varmá lögð fyr­ir bæj­ar­ráð

Þarf­agrein­ing­in er hluti af um­fangs­miklu verk­efni stýri­hóps á veg­um Mos­fells­bæj­ar og Aft­ur­eld­ing­ar um end­ur­skoð­un fyr­ir Varmár­svæð­ið og mót­un skýrr­ar fram­tíð­ar­sýn­ar til næstu 15 ára.

Byggt var á fyrri þarf­agrein­ing­ar­vinnu vegna þjón­ustu- og að­kom­bygg­ing­ar sem unn­in var á ár­un­um 2020 til 2021. Vinnu­hóp­ur­inn vann þarf­agrein­ing­una á tíma­bil­inu 19. janú­ar – 16. apríl 2024. Haldn­ir voru 15 kynn­ing­ar­fund­ir með hag­að­il­um, tekin 26 við­töl við skil­greinda hag­að­ila þar sem leit­ast var eft­ir við­horf­um við­mæl­end­anna sjálfra og þeirra hópa sem þeir voru í for­svari fyr­ir  og að lok­um var spurn­inga­könn­un fram­kvæmd þar sem sér­stök áhersla var lögð á að ná til barna og ung­menna. Alls tóku 1246 ein­stak­ling­ar  þátt á öll­um aldri en könn­un­in var að­gengi­leg á vef Mos­fells­bæj­ar og heil­síðu­aug­lýs­ing birt í bæj­ar­blaði Mos­fell­inga þar sem öll voru hvött til að taka þátt í henni. Að auki var könn­un­in að­gengi­leg á auð­lesnu máli.

Markmið könn­un­ar­inn­ar var að ná fram sjón­ar­mið­um fjöl­breyttra hópa eft­ir því hvert hlut­verk þeirra er í íþróttamið­stöð­inni að Varmá þ.e. ið­k­end­ur, for­ráða­menn, starfs­fólk Mos­fells­bæj­ar, áhorf­end­ur, sund­laug­ar­gest­ir, sjálf­boða­lið­ar, starfs­fólk eða þjálf­ar­ar íþrótta­fé­laga. 97% þeirra sem tóku þátt í könn­un­inni nýta nú þeg­ar íþróttamið­stöð­ina að Varmá eða geta hugsað sér að nýta hana.

Þarf­agrein­ing­in sýn­ir að fjölg­un bún­ings­að­stöðu að Varmá er að­kallandi einn­ig barn­væn að­staða og að­staða fyr­ir gesti. Þá kom fram að vinnu- og fundarað­staða fyr­ir þjálf­ara, starfs­fólk, íþrótta­kenn­ara og aðra starf­semi er ábóta­vant. Auk þess sem að styrktarað­staða er met­in mjög mik­il­væg og að­gengi fyr­ir fólk með fötlun.

Stýri­hóp­ur­inn fór að auki í þrjár vett­vangs­heim­sókn­ir í ný og ný­leg íþrótta­mann­virki á höf­uð­borg­ar­svæð­inu hjá ÍR, Val og Fram þar sem mark­mið­ið var að draga lær­dóm ann­arra sveit­ar­fé­laga og íþrótta­fé­laga af gerð slíkra mann­virkja.

Þessi skýrsla er mik­il­væg­ur hlekk­ur í vinnu stýri­hóps­ins um end­ur­skoð­un á fram­tíð­ar­sýn fyr­ir íþrótta­svæð­ið að Varmá. Næstu skref eru að rýna þarf­agrein­ing­una bet­ur og meta hvern­ig nú­ver­andi teikn­ing­ar koma til móts við þarf­irn­ar.

Í stýri­hópn­um eiga sæti bæj­ar­full­trú­arn­ir Halla Karen Krist­ins­dótt­ir sem er formað­ur,  Valdi­mar Birg­is­son og Ás­geir Sveins­son, Birna Kristín Jóns­dótt­ir formað­ur Aft­ur­eld­ing­ar, Regína Ás­valds­dótt­ir bæj­ar­stjóri, Arn­ar Jóns­son sviðs­stjóri menn­ing­ar-, íþrótta og lýð­heilsu­mála, Jó­hanna B. Han­sen, sviðs­stjóri um­hverf­is­sviðs og Guð­jón Svans­son, leið­togi íþrótta- og lýð­heilsu­mála.