Hoppa í meginmál
mos.is - Forsíða
28. ágúst 2021

Eng­in form­leg dag­skrá verð­ur á veg­um Mos­fells­bæj­ar á bæj­ar­há­tíð­inni Í tún­inu heima en Mos­fells­bær hvet­ur ein­dreg­ið til þess að íbú­ar geri sér dagamun og að minni við­burð­ir sem rúm­ast inn­an sam­komutak­mark­ana eigi sér stað nú um helg­ina á ábyrgð þeirra sem halda þá.

Tinda­hlaup Mos­fells­bæj­ar hófst í morg­un, laug­ar­dag­inn 28. ág­úst, og tóku um 250 manns þátt í því.

Á morg­un, sunnu­dag­inn 29. ág­úst, verð­ur bæj­arlista­mað­ur Mos­fells­bæj­ar út­nefnd­ur af menn­ing­ar- og ný­sköp­un­ar­nefnd og um­hverf­is­nefnd veit­ir um­hverfis­við­ur­kenn­ing­ar.

Íbú­ar Mos­fells­bæj­ar og gest­ir þeirra eru hvatt­ir til þess að halda í þær fjöl­skyldu- og vina­hefð­ir sem hafa skap­ast í gegn­um tíð­ina. Hefð­bund­ið er að skreyta hús og garða í lit­um hvers hverf­is og hver su­markúla get­ur hald­ið sína garð­veislu ef veð­ur leyf­ir. Þá eru íbú­ar og gest­ir þeirra ein­dreg­ið hvatt­ir til þess að nýta út­vist­ar­mögu­leika og aðra af­þrey­ingu sem er því sem næst við hvert fót­mál í bæn­um. Loks hef­ur Lága­fell­ið ver­ið lýst upp í hverf­islit­un­um.

„Tún­ið hef­ur á síð­ustu árum ver­ið okk­ur Mos­fell­ing­um kær við­burð­ur sem mark­ar sum­ar­lok og upp­haf vetr­ar­tíð­ar. Vegna sam­komutak­mark­ana stend­ur Mos­fells­bær ekki fyr­ir neinni form­legri dag­skrá en ég vil hvetja alla íbúa og gesti þeirra að gera sér dagamun, skreyta hús og garða í hverf­islitn­um, ganga á fell eða um bæ­inn og eiga góða kvöld­stund í sinni su­mar­kúlu. Við mun­um út­nefna bæj­arlista­mann árs­ins og veita um­hverfis­við­ur­kenn­ing­ar þó með breyttu sniði í lág­stemmdri at­höfn þar sem full­trú­ar um­hverf­is­nefnd­ar og menn­ing­ar- og ný­sköp­un­ar­nefnd­ar veita verð­laun og við­ur­kenn­ing­ar.“ seg­ir Har­ald­ur Sverris­son bæj­ar­stjóri Mos­fells­bæj­ar.

Tengt efni