Tindahlaup Mosfellsbæjar í boði Nettó er krefjandi og skemmtilegt utanvegahlaup, eða náttúruhlaup, sem haldið er í Mosfellsbæ síðustu helgina í ágúst ár hvert.
Tindahlaupið 2023
Tindahlaupið fer fram laugardaginn 26. ágúst 2023.
Hlaupið er utanvega um fjöll, heiðar og dali í bæjarlandi Mosfellsbæjar. Hlaupið hefst kl. 09:00 við Íþróttamiðstöðina að Varmá.
Boðið er upp á fjórar vegalengdir 1, 3, 5 og 7 tinda og ættu því byrjendur sem og lengra komnir að finna leið við hæfi.
Skráning og afhending gagna
Skráning í hlaupið verður á hlaup.is. Hægt er að skrá sig til miðnættis miðvikudaginn 23. ágúst 2023.
Athugið að ekki er hægt að skrá sig eða sækja gögn á keppnisdag!
Mikilvægt er að þátttakendur séu komnir að Íþróttamiðstöðinni við Varmá minnst 30 mín. fyrir hlaup.
ITRA punktahlaup
Tindahlaupið hefur staðist kröfur ITRA (International Trail Running Association) og fengið eftirfarandi hlaupaleiðir viðurkenndar sem punktahlaup:
- 3 Tindar = 1 ITRA Punktur.
- 5 Tindar = 1 ITRA Punktur.
- 7 Tindar = 2 ITRA Punktar.
Tindahöfðingi
Til að verða Tindahöfðingi þarf hlaupari að hlaupa allar fjórar vegalengdir hlaupsins. Þ.e. 1 tind, 3 tinda, 5 tinda og 7 tinda. Safnaðu tindum og þú færð glæsilega viðurkenningu og sæmdarheitið Tindahöfðingi.
Þeir sem gera tilkall til Tindahöfðingjans eru beðnir um að senda póst á birgirkonn[hja]gmail.com.