Eng­in form­leg dagskrá á veg­um Mos­fells­bæj­ar á bæj­ar­há­tíð­inni Í tún­inu heima 2021

Í tún­inu heima er ár­leg bæj­ar­há­tíð Mos­fell­inga sem hald­in er síð­ustu helg­ina í ág­úst sem er af­mæl­is­mán­uð­ur bæj­ar­ins. Há­tíð­in stend­ur venju­lega í fjóra daga og lýk­ur með út­nefn­ingu bæj­arlista­manns og af­hend­ingu um­hverfis­við­ur­kenn­inga.

Und­ir­bún­ingi há­tíð­ar­inn­ar í ár lauk í byrj­un sum­ars en neyð­ar­stjórn Mos­fells­bæj­ar hef­ur kom­ist að þeirri nið­ur­stöðu að í ljósi gild­andi sam­komutak­mark­ana verði ekki um form­leg há­tíð­ar­höld að ræða á veg­um Mos­fells­bæj­ar. Minni við­burð­ir sem rúm­ast inn­an sam­komutak­mark­ana geta hins veg­ar átt sér stað dag­ana 26. til 29. ág­úst á ábyrgð þeirra sem halda þá. En eng­ir við­burð­ir verða, eins og áður seg­ir, á veg­um Mos­fells­bæj­ar að und­an­skildu Tinda­hlaupi Mos­fells­bæj­ar og út­nefn­ingu bæj­arlista­manns og um­hverfis­við­ur­kenn­ing­ar.

Tinda­hlaup Mos­fells­bæj­ar sem féll nið­ur í fyrsta sinn í fyrra verð­ur hald­ið laug­ar­dag­inn 28. ág­úst. Grip­ið verð­ur til ráð­staf­ana sem gef­ist hafa vel við fram­kvæmd hlaupa þeg­ar sam­komutak­mark­an­ir eru í gildi, svo sem með því að stýra rás­tíma.

Loks verð­ur bæj­arlista­mað­ur Mos­fells­bæj­ar út­nefnd­ur og um­hverfis­við­ur­kenn­ing­ar veitt­ar sunnu­dag­inn 29. ág­úst. Við­burð­ur­inn verð­ur ein­göngu fyr­ir boðs­gesti með til­liti til sam­komutak­mark­ana.

Íbú­ar Mos­fells­bæj­ar og gest­ir þeirra eru í ljósi þess­ar­ar stöðu hvatt­ir til þess að halda í þær fjöl­skyldu- og vina­hefð­ir sem hafa skap­ast í gegn­um tíð­ina. Hefð­bund­ið er að skreyta hús og garða í lit­um hvers hverf­is og hver su­markúla get­ur hald­ið sína garð­veislu ef veð­ur leyf­ir. Þá eru íbú­ar og gest­ir þeirra ein­dreg­ið hvatt­ir til þess að nýta út­vist­ar­mögu­leika og aðra af­þrey­ingu sem er því sem næst við hvert fót­mál í bæn­um.