Nokkrar raskanir hafa orðið á sorphirðu um hátíðarnar vegna snjókomu og erfiðrar færðar.
Þó náðist að klára sorphirðu í þéttbýli í Mosfellsbæ fyrir jólin eins og fyrirhugað var, en hirða á bláu tunnunni í dreifbýli hefur tafist og stefnt er að því að tæming á henni verði milli jóla og nýárs ef færð og veður leyfir.
Íbúar eru hvattir til þess að hreinsa frá sínum sorptunnum til þess að sorphirðuaðilar komist að til að tæma þær.
Vegna álags í kjölfar erfiðra aðstæðna verður ekki hægt að fá auka hirðu á bláu tunnunni milli jóla og nýárs, sem þó hefði verið æskilegt vegna þess mikla magns pappírs og pappa sem fellur til um þetta leyti. Íbúar eru því hvattir til að nýta rými í blátunnu vel og fara sjálfir með umfram pappír og pappa á endurvinnslustöð Sorpu bs. við Blíðubakka eða geyma til næstu tæmingar í janúar. Alls ekki er heimilt að setja pappír og pappa í gráu tunnuna.
Sorphirðudagatal
Tengt efni
Afhending nýrra tunna heldur áfram 8. og 9. júní í Arnartanga og Holtahverfi
Þá er komið að dreifingu á tunnum í viku 23.
Afhending nýrra tunna heldur áfram 30. og 31. maí í Hlíða- og Tangahverfi
Íbúar í eftirtöldum götum fá afhentar nýjar tunnur fyrir nýja úrgangsflokkunarkerfið samkvæmt sorphirðudagatali okkar þriðjudaginn 30. og miðvikudaginn 31. maí.
Íbúar í Hamratúni 6 fengu fyrstu tvískiptu tunnuna í Mosfellsbæ
Hjónin Sigríður Wöhler og Halldór Þórarinsson sem búa í Hamratúni 6 voru fyrstu íbúarnir til að taka við nýrri tvískiptri tunnu fyrir matarleifar og blandaðan úrgang sem er hluti af nýja úrgangsflokkunarkerfinu.
