Sorp­hirða

Hirðu­tíðni er 14 daga fyr­ir mat­ar­leif­ar og bland­að­an úr­g­ang og 21 daga fyr­ir papp­ír/pappa og plast­umbúð­ir.

Djúp­gám­ar eru tæmd­ir á eft­ir­far­andi dög­um í júlí:

• Al­mennt/líf­rænt: 5. og 19. júlí
• Papp­ír/plast: 9. og 30. júlí

Verk­tak­ar á veg­um Mos­fells­bæj­ar sjá um tæm­ingu á heim­il­iss­orpi.

Best er að sorptunn­urn­ar séu geymd­ar í þar til gerð­um sorp­geymsl­um/-skýl­um, stutt frá götu til að ein­falda störf sorp­hirðu­fólks. At­hug­ið ódýr­ar lausn­ir eins og keðj­ur og teygju sem hægt er að nota til að festa tunn­ur við skýli.

Í ábend­inga­kerfi Mos­fells­bæj­ar und­ir flokkn­um rusl & sorp­hirða er leið til að koma með ábend­ing­ar og fyr­ir­spurn­ir tengd­ar sorp­hirðu.

Sé óskað eft­ir sorpílát­um við ný hús­næði, sem flutt er í eða að breyta fjölda eða teg­und sorpíláta við hús­næði þarf að skrá sig inn á þjón­ustugátt Mos­fells­bæj­ar og fylla út um­sókn um breyt­ing­ar eða við­bæt­ur á ílát­um vegna sorp­hirðu.

At­hug­ið að frá ára­mót­um 2024 er greitt fyr­ir þau sorpílát sem eru við hús­næði, sjá gjaldskrá fyr­ir sorp­hirðu.

Fyr­ir­komulag íláta við sér­býli

• 240 lítra tví­skipta fyr­ir mat­ar­leif­ar (40%) og bland­að­an úr­g­ang (60%)
• 240 lítra tunna fyr­ir papp­ír/pappa
• 240 lítra tunna fyr­ir plast­umbúð­ir

Fyr­ir fá­menn sér­býli, þar sem einn eða tveir búa, er hægt að sækja um tví­skipta tunnu fyr­ir papp­ír/pappa (60%) og plast­umbúð­ir (40%).

Fyr­ir fjöl­menn sér­býli geta íbú­ar óskað eft­ir fjór­um tunn­um eða sér­stakri tunnu fyr­ir hvern úr­gangs­flokk.

Fyr­ir­komulag íláta við fjöl­býli

• 140 lítra tunna fyr­ir mat­ar­leif­ar
• tunna eða kar fyr­ir bland­að­an úr­g­ang
• tunna eða kar fyr­ir papp­ír/pappa
• tunna eða kar fyr­ir plast­umbúð­ir

Fjöldi tunna af hverri gerð fer eft­ir stærð fjöl­býl­is en hvatt er til þess að íbú­ar flokki og séu þann­ig með sem minnst magn af blönd­uð­um úr­gangi.

Sér­stak­ir bréf­pok­ar fyr­ir mat­ar­leif­ar verða til af­hend­ing­ar á End­ur­vinnslu­stöðv­um Sorpu og til sölu í helstu mat­vöru­versl­un­um á höf­uð­borg­ar­svæð­inu. Ekki má nota aðra gerð­ir af pok­um eða tunn­um und­ir mat­ar­leif­ar.

All­ar tunn­ur eiga að vera með greini­leg­um merk­ing­um sem sam­ræmd­ar er á höf­uð­borg­ar­svæð­inu.

Ef tunn­ur skemm­ast er hægt að panta vara­hluti eða nýja tunnu í gegn­um ábend­inga­kerfi Mos­fells­bæj­ar.

• Bo­ga­tangi
• Langi­tangi
• Dælu­stöðv­arveg­ur
• Voga­tunga

Út­víkk­un og end­ur­skoð­un á grennd­ar­stöðv­um er stöð­ugt í gangi.

Íbú­ar at­hug­ið að málm­gám­ur er nú ein­göngu á grennd­ar­stöð­inni við Bo­ga­tanga.

Fyr­ir­hug­að er að málm­gám­ar verði á öll­um grennd­ar­stöðv­um sveit­ar­fé­lag­anna á höf­uð­borg­ar­svæð­inu og er áætlað að þeir verði komn­ir í notk­un í fe­brú­ar 2024.

Vin­sam­lega at­hug­ið að raf­hlöð­um, raf­tækj­um og spilli­efn­um skal skilað á næstu end­ur­vinnslu­stöð.

Um 80 rusladall­ar eru stað­sett­ir á opn­um svæð­um og við göngu­leið­ir í Mos­fells­bæ. Þeir eru tæmd­ir og yf­ir­farn­ir í hverri viku, á mánu­dög­um og föstu­dög­um.