Gert er ráð fyrir snjókomu og skafrenningi á gamlársdag og eru starfsmenn Mosfellsbæjar og verktakar í viðbragðsstöðu vegna snjómoksturs.
Ef spár ganga eftir mun mokstur hefjast á milli kl. 05:00 og 06:00 á gamlársdagsmorgun og standa fram eftir degi eða þar til Strætisvagnar hætta akstri. Lögð verður áhersla á að halda strætisvagnaleiðum opnum og stofn- og tengileiðum. Einnig verður farið í íbúðagötur í samræmi við forgangsröðun og allir helstu stígar ruddir.
Á nýársdag er fyrst og fremst séð til þess að halda strætisvagnaleiðum opnum og helstu stofn- og tengileiðum.
Hægt er að sjá staðsetningu gatna og stíga í forgangi á kortavef Mosfellsbæjar. Í valmyndinni hægra megin er smellt á Samgöngur > Snjómokstur/Hálkueyðing og svo er hægt að velja að sjá götur og stíga í forgangi 1 og 2.
Tengt efni
Færð og staða moksturs í Mosfellsbæ 30. janúar kl. 22:15
Færðin er nú mjög erfið í Mosfellsbæ en sem stendur er áhersla lögð á að halda stofn- og strætóleiðum opnum.
Staðan á snjómokstri eftir hádegi 27. desember 2022
Allar strætóleiðir og aðalgötur voru mokaðar fyrir klukkan 7:00 í morgun.
Snjómokstur 27. desember 2022
Staðan á snjómokstri er sú að strætóleiðir og helstu stofn- og tengileiðir hafa verið ruddar.
