Vinna við snjómokstur hófst í nótt og starfsfólk Mosfellsbæjar og verktakar í vetrarþjónustu leggja áherslu á að halda stofn- og tengibrautum opnum auk þess sem helstu göngustígar og húsagötur verða ruddar og hreinsaðar í dag.
Kortavefur:
Sandur og salt
Íbúar geta sótt sand og salt við þjónustustöðina, Völuteig 15. Einnig er hægt að nálgast salt á fjórum öðrum stöðum í bænum:
- biðskýli í Vefarastræti við Helgafellsskóla
- grenndarstöð Vogatungu
- grenndarstöð Bogatanga
- afleggjari að Mosfellskirkju í Mosfellsdal
Nauðsynlegt er að hafa meðferðis poka eða ílát undir saltið.
Sorphirða
Gott er að moka frá sorpílátum, djúpgámum og sorpgeymslum til að starfsfólk í sorphirðu geti komist að.
