Mikil uppbygging á sér nú stað í Mosfellsbæ og því fylgja miklar framkvæmdir og rask af ýmsu tagi.
Því er vert að minna verktaka og húsbyggjendur á að ef ætlunin er að ráðast í framkvæmdir sem hafa í för með sér tímabundna takmörkun á umferð gatna eða stíga, lagnaframkvæmdir eða aðrar framkvæmdir á landi í eigu Mosfellsbæjar, þá er nauðsynlegt að sækja um sérstaka framkvæmdaheimild til Mosfellsbæjar á þjónustugátt bæjarins.
Heimildin er nauðsynleg til að tryggja öryggi vegfarenda, framkvæmdaaðila og verkamanna að störfum. Um leið er unnt að upplýsa lögreglu og slökkvilið um framkvæmdir sem eru í gangi í Mosfellsbæ og tryggja þannig öruggt aðgengi viðbragðsaðila.
Framkvæmdir á viðkvæmum svæðum
Mosfellsbær hefur einnig samþykkt sérstakar reglur um framkvæmdir á viðkvæmum svæðum. Í Mosfellsbæ er að finna ýmis viðkvæm svæði þar sem gæta þarf sérstakrar varúðar við framkvæmdir vegna viðkvæmrar náttúru og forðast rask eins og kostur er. Í reglunum er tilgreint hvaða leyfi eru nauðsynleg á hverju svæði fyrir sig og hvaða reglur gilda um hvernig aðilar skuli haga vinnu sinni til að koma veg fyrir rask á viðkvæmri náttúru.
Tengt efni
Samningur um innréttingar íþróttahúss Helgafellsskóla undirritaður
Samningur um innri frágang og innréttingar við íþróttahús sem tilheyrir Helgafellsskóla hefur verið undirritaður við fyrirtækið Land og verk ehf.
Lokun á hluta Þverholts 24. apríl 2024
Lokun á Vefarastræti vegna framkvæmda 23. apríl 2024