Í gær var ýtt úr vör nýrri Menntastefnu Mosfellsbæjar sem ber heitið, Heimurinn er okkar.
Dagurinn var sameiginlegur fræðsludagur allra þeirra tæplega fimmhundruð starfsmanna sem vinna í skóla- og frístundastarfi og heyra undir fræðslu- og frístundasvið.
Menntastefnan var kynnt og sagt frá þeirri aðferðarfræði sem notuð var við mótun hennar. Stefnan er afrakstur samtals innan skólasamfélagsins; börn, foreldrar, starfsfólk, kjörnir fulltrúar og íbúar, allir eiga sinn hlut í mótunarferlinu.
Farið var yfir fyrstu aðgerðaráætlun menntastefnunnar ásamt því að kynna þá vinnu sem á sér stað í Farsældarhringnum með samþættingu á þjónustu fyrir börn.
Bergur Ebbi, framtíðarfræðingur, endaði dagskrána um hádegi með því að taka alla með sér í áhugavert ferðalag sem ekki sér fyrir endann á.
Eftir hádegi tók við verkefnavinna alls starfsfólks í skóla- og frístundastarfi og tengdist hún aðgerðaráætlun vegna menntastefnu.
Áhugaverður dagur sem tókst vel og markar upphafið hugmyndavinnu og verkefnum undir hatti menntastefnu Mosellsbæjar.
Ný menntastefna Mosfellsbæjar:
Tengt efni
Heimurinn er okkar - Menntastefna Mosfellsbæjar 2022 til 2030
Menntastefna Mosfellsbæjar 2022-2030, „Heimurinn er okkar“ var samþykkt af fræðslunefnd Mosfellsbæjar á fundi nefndarinnar þann 28. mars.
Íbúaþingi um menntastefnu frestað frá 6. til 20. nóvember
Þér er boðið á skólaþing Mosfellsbæjar 11. október 2021
Þann 11. október 2021 fer fram skólaþing í Mosfellsbæ.