Í dag, miðvikudaginn 21. september milli kl. 17:00 – 18:30 verður starfsfólk skipulagsdeilda Kópavogsbæjar og Mosfellsbæjar með opið hús á bæjarskrifstofum Kópavogsbæjar að Digranesvegi 1 þar sem tillaga að nýju deiliskipulagi tvöföldunar Suðurlandsvegar verður kynnt.
Í tillögunni er gert ráð fyrir að núverandi Suðurlandsvegur verði breikkaður til norðurs og verði samfelldur stofnvegur með tveimur akreinum í hvora akstursstefnu. Gert er ráð fyrir vegamótum við Geirland ásamt hliðarvegum/tengivegum í Lækjarbotnum, Gunnarshólma og Geirlandi.
Markmið deiliskipulagsins er að auka þjónustustig samgangna á svæðinu og bæta umferðaröryggi.
Frestur til þess að senda athugasemdir er til 14. október 2022.
Tengt efni
Grenndarkynning vegna tillögu að breytingu á deiliskipulagi Höfðahverfis vestursvæði – Hrafnshöfði 17
Á fundi Skipulagsnefndar Mosfellsbæjar þann 23. september sl. var samþykkt að grenndarkynna í samræmi við 2. mgr. 43. gr. skipulagslaga nr. 123/2010, umsókn eigenda Hrafnshöfða 17 um breytingu á deiliskipulagi.
Tilkynning um færslu á reiðleið og hjáleið
Á fundi sínum þann 14.09.2022 samþykkti bæjarstjórn Mosfellsbæjar, eftir umfjöllun skipulagsnefndar, þann 09.09.2022, færslu á reiðleið nyrst í Reykjahvoli.
Grenndarkynning - Umsókn um leyfi fyrir byggingu frístundahúss - Hamrabrekkur 11, lnr. 124658
Á fundi Skipulagsnefndar Mosfellsbæjar þann 26. ágúst sl. var samþykkt að grenndarkynna, í samræmi við 44. gr. skipulagslaga nr. 123/2010, umsókn um byggingaráform – Hamrabrekkur 11.
