Aug­lýs­ing um til­lögu að nýju deili­skipu­lagi í Kópa­vogi og Mos­fells­bæ

Suð­ur­lands­veg­ur í Kópa­vogi og Mos­fells­bæ

Á fundi skipu­lags­ráðs Kópa­vogs 15. ág­úst 2022, bæj­ar­stjórn­ar Kópa­vogs 23. ág­úst 2022, skipu­lags­nefnd­ar Mos­fells­bæj­ar 12. ág­úst 2022 og bæj­ar­stjórn­ar Mos­fells­bæj­ar 17. ág­úst 2022 var sam­þykkt að aug­lýsa til­lögu að deili­skipu­lagi Suð­ur­lands­veg­ar í Kópa­vogi og Mos­fells­bæ. Deili­skipu­lagstil­lag­an nær til hluta Suð­ur­lands­veg­ar frá Geit­hálsi vest­an Hólmsá í Mos­fells­bæ að tví­breið­um hluta Suð­ur­lands­veg­ar, aust­an Lög­bergs­brekku alls um 5,6 km að lengd. Heild­ar­stærð skipu­lags­svæð­is­ins er rúm­ir 67,3 ha.

Í til­lög­unni er gert ráð fyr­ir að nú­ver­andi Suð­ur­lands­veg­ur verði breikk­að­ur til norð­urs og verði sam­felld­ur stofn­veg­ur með tveim­ur ak­rein­um í hvora akst­urs­stefnu. Gert er ráð fyr­ir vega­mót­um við Geir­land ásamt hlið­ar­veg­um/tengi­veg­um í Lækj­ar­botn­um, Gunn­ars­hólma og Geir­landi.

Markmið deili­skipu­lags­ins er að auka þjón­ustust­ig sam­gangna á svæð­inu og bæta um­ferðarör­yggi.

Til­lag­an er sett fram á upp­drátt­um í mkv. 1:10.000 og 1:4000 ásamt grein­ar­gerð dags. 30. júní 2022. Til­lög­unni fylg­ir jafn­framt mats­skýrsl­an Suð­ur­lands­veg­ur frá Hólmsá ofan Reykja­vík­ur að Hvera­gerði dags. í júní 2009 þar sem lagt er mat á um­hverf­isáhrif skv. lög­um nr. 106/2000.

Nán­ar um til­lög­una vís­ast til kynn­ing­ar­gagna.

Mið­viku­dag­inn 21. sept­em­ber milli kl. 17:00 – 18:30 verð­ur starfs­fólk skipu­lags­deilda Kópa­vogs­bæj­ar og Mos­fells­bæj­ar með opið hús á bæj­ar­skrif­stof­um Kópa­vogs­bæj­ar að Digra­nes­vegi 1 þar sem til­lag­an verð­ur kynnt þeim sem þess óska.

Til­lag­an er að­gengi­leg í þjón­ustu­veri Kópa­vogs­bæj­ar að Digra­nes­vegi 1, mánu­daga – fimmtu­daga kl. 8:00-16:00 og á föstu­dög­um kl. 8:00-13:00 og á vef Kópa­vogs. Ef óskað er eft­ir nán­ari upp­lýs­ing­um um til­lög­urn­ar er hægt að senda fyr­ir­spurn á starfs­fólk skipu­lags­deild­ar Kópa­vogs­bæj­ar á net­fang­ið skipu­lag[hja]kopa­vog­ur.is eða skipu­lags­nefnd­ar Mos­fells­bæj­ar á net­fang­ið skipu­lag[hja]mos.is. Til­lag­an og gögn er einn­ig að­gengi­leg á Upp­lýs­inga­torgi Mos­fells­bæj­ar, Þver­holt 2 við bóka­safn­ið, og á vef Mos­fells­bæj­ar: mos.is/skipu­lagsauglys­ing­ar.

Eru þeir sem telja sig eiga hags­muna að gæta hvatt­ir til að kynna sér til­lög­una.

At­huga­semd­ir og ábend­ing­ar skulu hafa borist skrif­lega til skipu­lags­deild­ar Kópa­vogs­bæj­ar, Digra­nes­vegi 1, 200 Kópa­vogi eða á net­fang­ið skipu­lag[hja]kopa­vog­ur.is og/eða skipu­lags­nefnd­ar Mos­fells­bæj­ar, Þver­holti 2, 270 Mos­fells­bær eða á net­fang­ið skipu­lag[hja]mos.is eigi síð­ar en kl. 13:00 föstu­dag­inn 14. októ­ber 2022.

Skipu­lags­full­trú­inn í Kópa­vogi
Skipu­lags­full­trú­inn í Mos­fells­bæ