Á fundi Skipulagsnefndar Mosfellsbæjar þann 21.10.2022 var samþykkt að grenndarkynna í samræmi við 44. gr. skipulagslaga nr. 123/2010, umsókn um byggingaráform eigenda Hamrabrekkna 7.
Um er að ræða leyfi til að byggja 93,6 m² frístundahús á tveimur hæðum og 36,4 m² gestahús á einni hæð, samtals 130 m². Deiliskipulag liggur ekki fyrir á svæðinu sem framkvæmdir eru áformaðar á.
Hér með er gefinn kostur á að koma athugasemdum eða ábendingum á framfæri vegna þeirra framkvæmda sem sótt hefur verið um. Athugasemdir skulu vera skriflegar, ásamt helstu upplýsingum um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag@mos.is.
Frestur til að skila inn athugasemdum/ábendingum er til og með 19. desember 2022.
