Grenndarkynning vegna tillögu að breytingu á deiliskipulagi fyrir frístundalóðir norðan Krókatjarnar L125149 og L125150, Deiliskipulag frístundahúss við Krókatjörn í Mosfellsbæ.
Á fundi Skipulagsnefnd Mosfellsbæjar þann 10.09.2021 var samþykkt að grenndarkynna, í samræmi við 2. mgr. 43. gr. og 44. gr. skipulagslaga nr. 123/2010, vegna tillögu að breytingu á deiliskipulagi við Krókatjörn, staðfest 18.08.2004.
Breytingin felst í að 5,6 ha. frístundalóð við Krókatjörn er skipt upp í fjórar lóðir. Fyrir er heimild fyrir tveimur húsum innan landsins og aðkomur tvær. Við breytingu bætist þriðja húsið við austast á landinu. Allar húsalóðir eru 1 ha. að stærð en sameignarlóð er 2.58 ha. Hún tryggir aðkomu allra að Krókatjörn. Byggingarreitir eru 50 m frá vatni. Heimildir eru í samræmi við aðalskipulag Mosfellsbæjar 2011-2030.
Tillaga og uppdráttur var sendur út með bréfpósti til nærliggjandi hagsmunaaðila.
Í þessu tilviki er um að ræða óverulega breytingu á deiliskipulagi, sbr. 2. mgr. 43. gr. skipulagslaga. Hér með er gefinn kostur á að koma athugasemdum eða ábendingum á framfæri vegna þeirra framkvæmda sem sótt hefur verið um. Athugasemdir skulu vera skriflegar, ásamt helstu upplýsingum (nafn og kennitala) um sendanda, og merktar skipulagsnefnd Mosfellsbæjar, Þverholti 2, 270 Mosfellsbæ. Einnig má senda athugasemdir í tölvupósti á skipulag[hja]mos.is.
Frestur til að skila inn athugasemdum er frá 22.09.2021 til og með 28.10.2021.
Skipulagsfulltrúi Mosfellsbæjar
Tengt efni
Breyting á deiliskipulagi 4. áfanga Helgafellshverfis
Deiliskipulagsbreytingar: Parhús að Háeyri 1-2 og Brettavöllur við Krikaskóla
Bæjarstjórn Mosfellsbæjar hefur samþykkt að kynna og auglýsa eftirfarand tillögur samkvæmt, 1. mgr. 43. gr. skipulagslaga nr. 123/2010.
Deiliskipulagsbreyting Skeljatangi 10
Á fundi skipulagsnefndar þann 2. desember sl. var samþykkt að grenndarkynna í samræmi við 2. mgr. 43. gr skipulagslaga nr. 123/2010, umsókn eigenda Skeljatanga 10 um breytingu á deiliskipulagi.
