Opið hús, kynning á skipulagstillögum verður í fundarsalnum Helgafelli á 2. hæð í Kjarna, Þverholti 2, miðvikudaginn 15. júní kl. 16:30 – 17:30.
Kynntar verða tillögur að breytingu á aðalskipulagi og deiliskipulagi „víkingaveraldar“ á Langahrygg ásamt umhverfisskýrslu. Breyting á aðalskipulagi felst í því að um 10 ha landbúnaðarsvæði breytist í „afþreyingar- og ferðamannasvæði“ en tillaga að deiliskipulagi gerir grein fyrir fyrirhugaðri uppbyggingu víkingabæjar með fornu lagi, sem veiti innsýn í aðstæður og lifnaðarhætti landsmanna á þjóðveldisöld. Áður hafa verið kynntar hliðstæðar tillögur fyrir stað nokkru vestar, en vegna vatnsverndarsjónarmiða hefur hugmyndinni verið valin nýr staður.
Um er að ræða forkynningu skv. 30. og 40. gr. skipulagslaga, þar sem segir m.a. að áður en tillögur að aðalskipulagi og/eða deiliskipulagi eru teknar til afgreiðslu í sveitarstjórn, skuli þær kynntar íbúum sveitarfélagsins og öðrum hagsmunaaðilum á almennum fundi eða á annan fullnægjandi hátt.
Íbúar og aðrir hagsmunaaðilar eru hvattir til að koma á opið hús og kynna sér tillögurnar.
Skipulagsfulltrúi Mosfellsbæjar
Tengt efni
Grenndarkynning vegna tillögu að breytingu á deiliskipulagi fyrir Engjaveg 22
Á fundi skipulagsnefndar Mosfellsbæjar þann 11. maí sl. var samþykkt að grenndarkynna í samræmi við 2. mgr. 43. gr. og 44. gr. skipulagslaga nr. 123/2010, tillögu að deiliskipulagsbreytingu varðandi Engjaveg 22.
Grenndarkynning á umsókn um byggingarleyfi fyrir viðbyggingu við atvinnuhúsnæði að Flugumýri 6
Á afgreiðslufundi skipulagsfulltrúa þann 3. maí 2023 sl. var samþykkt að grenndarkynna í samræmi við 1. og 2. mgr. 44. gr. skipulagslaga nr. 123/2010, byggingarleyfisumsókn eigenda atvinnuhúsnæðis að Flugumýri 6, 0104.
Nýjar deiliskipulagsáætlanir - Frístundalóðir milli Selvatns og Nesjavallavegar
Mosfellsbær auglýsir nú skv. 1. mgr. 41. gr. skipulagslaga nr. 123/2010, eftirfarandi tillögur að deiliskipulagsáætlunum: