Fimmtudaginn 13. maí n.k. (uppstigningardag) kl. 11-14 verða vígðar stikaðar gönguleiðir um útivistarsvæði í Mosfellsbæ sem er verkefni sem Mosverjar hafa unnið í samstarfi við Mosfellsbæ.
Fyrsta áfanga verksins er lokið en ætlunin er að stika alls um 65 km en auk þess að setja upp vegpresta við vegamót og upplýsingaskilti við gönguleiðirnar.
Göngukort sem hefur verið prentað verður fyrirliggjandi ókeypis á íþróttamiðstöðvunum að Varmá og Lágafelli og einnig í bókasafni Mosfellsbæjar.
Markmiðið með lagningu stikaðra gönguleiða er að auðvelda almenningi aðgang að ósnortinni náttúru útivistarsvæðis Mosfellsbæjar. Þar eru margar náttúruperlur og sögulegar minjar sem sagt verður frá á sérstökum fræðsluskiltum sem verða sett upp í tengslum við verkefnið.
Göngufólk er hvatt til að nýta sér stikuðu gönguleiðirnar og göngukortið jafnt sumar sem vetur, ganga vel um og njóta útivistarsvæðisins.
Dagskrá:
- kl: 11.00 Mæting á bílastæði við Suður Reyki (rútuferð að Hafravatnsrétt)
- kl: 11.15 Gönguleiðirnar opnaðar með stuttri athöfn
- kl: 11.30 Gengið frá Hafravatnsrétt að Borgarvatni og áfram niður með Varmá að Suður Reykjum (5 km)
- kl: 14.00 Kakó og kaffi í Mosverjatjaldi við bílastæðið
Tengt efni
Mosfellsbær efstur á lista yfir spennandi ferðamannastaði á Íslandi
Samstarf um lagningu skíðagönguspora
Gönguskíðaspor í Mosfellsbæ
Gönguskíðabrautir hafa verið lagðar í landi Blikastaða og á Hafravatni.
