Vetrarstarf Tómstundaskólans í Mosfellsbæ er hafið og mjög góð þátttaka á hin ýmsu námskeið.
Næsta laugardag, 3. október, verður Hafliði Ragnarsson konditormeistari með sitt vinsæla konfektgerðarnámskeið og helgina þar á eftir verður haldið eftirréttanámskeið. Hafliði er þekktur fyrir snilldartakta í sínu fagi og býður aðeins upp á það allra besta á námskeiðunum. Skráning stendur nú yfir og aðeins 3 pláss laus.
Tómstundaskólinn hefur boðið upp á ýmis tungumálanámskeið og bættist nú við á haustönn sænskunámskeið sem Elísabet Brekkan mun stýra. Elísabet Brekkan er leiklistarkennari að mennt, kennir íslensku og sænsku í Námsflokkum Hafnarfjarðar og Endurmenntun Háskóla Íslands auk þess sem hún heldur leiklistarnámskeið fyrir börn í ýmsum skólum.
Tengt efni
Mosfellsbær efstur á lista yfir spennandi ferðamannastaði á Íslandi
Sannkölluð jólagleði við tendrun jólatrés
Jólatréð á miðbæjartorgi var tendrað síðastliðinn laugardag að viðstöddum fjölda íbúa sem létu sig ekki vanta frekar en fyrri ár.
Jólaljós við Hlégarð og tendrun jólatrés á miðbæjartorgi
