Versl­un­ar­manna­helg­in í Mos­fells­bæ 2013

Allt að fyll­ast af lífi og gleði á tjald­stæð­inu við Íþróttamið­stöð­ina að Varmá. Fullt af skemmti­legri af­þrey­ingu í boði. Hægt er að eiga æv­in­týra­lega góð­an dag í Æv­in­týra­garð­in­um, háð víga­lega bar­áttu með börn­un­um á hinum glæsi­lega Vík­inga­velli eða átt  ljúf­an dag á Stekkj­ar­flöt­in­um fagra í fal­legu veðri með fjöl­skyld­unni í Mos­fells­bæ. Heim­sótt sund­laug­ar bæj­ar­ins eða skellt sér í spenn­andi göng­ur en  í Mos­fells­bæ eru fjöl­marg­ar göngu­leið­ir, t.d. fal­leg­ar göngu­leið­ir með­fram sjón­um og ánum, bæði Varmá og upp með Köldu­kvísl.

Mjög skemmti­legt er fyr­ir alla fjöl­skyld­una að ganga á fjöllin og fellin um­hverf­is Mos­fells­bæ og er hægt að velja fjöll sem hent­ar aldri og getu allra í fjöl­skyld­unni (7 tinda – fjöl­skyldu­fellin í Mos­fells­bæ).

Þá er mjög gam­an að ganga inn Mos­fells­dal, til að mynda frá Gljúfra­steini, með­fram Köldu­kvísl og upp að Helgu­fossi. Fara í fugla­skoð­un en í Mosó er gott fugla­skoð­un­ar­hús í Leiru­vogi, skella sér í reið­túr á fák­um hjá hesta­leig­unni Lax­nesi, taka góða sveiflu á ein­um af þeim tveim­ur glæsi­legu golf­völl­um í Mosó.

Úti­mark­að­ir eru núna í full­um blóma þar sem má finna góm­sætt góð­gæti ásamt fögr­um plönt­um og öðr­um handa­gerð­um lista­verk­um.