Vetrarhátíð var haldin dagana 7. – 9. febrúar á höfuðborgarsvæðinu. Eitt af einkennum hátíðarinnar eru ljóslistaverk sem lýsa upp skammdegið og létta lund.
Í ár var Helgafellið nýtt sem strigi fyrir ljóslistina í Mosfellsbæ. Hönnun verksins var í höndum Arnar Ingólfssonar, ljósameistara HljóðX, og sá Hákon Hákonarson um að forrita lýsinguna.
Margir bæjarbúar gerðu sér leið að Helgafelli til að njóta stórbrotins listaverksins, en verkið sást jafnframt víða úr bænum.
Mosfellsbær hefur áður lýst Álafoss fjólubláan á Vetrarhátíð 2021 og 2023.
Loftmyndir: Raggi Óla