Lokahátíð Upplestrarkeppni grunnskólanna í Mosfellsbæ var haldin í Helgafellsskóla fimmtudaginn 24. mars.
Þar kepptu til úrslita 12 nemendur úr 7. bekk í þremur grunnskólum Mosfellsbæjar, Helgafellsskóla, Lágafellsskóla og Kvíslarskóla.
Úrslit urðu þau að Victoria Líf Pedro í Kvíslarskóla varð í fyrsta sæti, Elín Adriana Biraghi í Kvíslarskóla varð í öðru sæti og Halldór Ingi Kristjánsson í Lágafellsskóla varð í þriðja sæti.
Keppendur lásu brot úr sögunni Víti í Vestmannaeyjum eftir Gunnar Helgason og ljóð eftir Vilborgu Dagbjartsdóttur. Auk þess lásu keppendur ljóð sem þeir völdu sjálfir.
Nemendur í Listaskóla Mosfellsbæjar sáu um tónlistarflutning og nemendur frá Kvíslarskóla og Lágafellsskóla lásu ljóð á swahili og pólsku.
