Upp­haf skóla­árs og skóla­setn­ing­ar 2018

Þessa dag­ana eru starfs­menn leik­skól­anna að taka á móti börn­um fædd 2016 sem og nýj­um og eldri börn­um fædd 2013-2015, en öll börn fædd 2016 eða fyrr hafa feng­ið út­hlutað leik­skóla­plássi hafi þau sótt um fyr­ir sum­ar­frí.

Unn­ið er í af­greiðslu um­sókna barna, fædd 2016 eða fyrr, sem bár­ust seinni hluta sum­ars og verða þær af­greidd­ar eins fljótt og auð­ið er. Börn fædd 2017 sem eru í vist­un, eru ým­ist með pláss á ung­barna­deild­um á veg­um Mos­fells­bæj­ar, á einka­rekn­um leik­skól­um eða hjá dag­for­eldr­um.

Starfs­fólk grunn­skóla Mos­fells­bæj­ar er þessa dag­anna að hefja vinnu að und­ir­bún­ingi kennslu og öðr­um verk­efn­um er fylgja skólastarfi og komu nem­enda. Grunn­skól­ar Mos­fells­bæj­ar verða sett­ir fimmtu­dag­inn 23. ág­úst en nán­ari upp­lýs­ing­ar um upp­haf skóla­starfs­ins í hvor­um skóla má finna á vef hvers skóla.

Fræðslu­skrif­stofa Mos­fells­bæj­ar býð­ur starfs­menn leik- og grunn­skóla, leik­skóla­börn og grunn­skóla­nem­end­ur vel­komin til starfa og hvet­ur alla, börn sem full­orðna, til að ganga, hjóla eða nýta sér ann­an vist­væn­an ferða­máta til að koma sér í og úr skóla.

Mos­fell­ing­ar, sýn­um ýtr­ustu var­kárni og til­lits­semi í um­ferð­inni nú sem endra­nær og mun­um að við erum fyr­ir­mynd­ir barna okk­ar.