Upp­haf skóla­árs og skóla­setn­ing­ar 2016

Þessa dag­ana eru starfs­menn að taka á móti börn­um fædd 2014 sem og nýj­um nem­end­um, eldri börn­um, en öll börn fædd 2014 eða fyrr hafa feng­ið út­hlutað leik­skóla­plássi hafi þau sótt um fyr­ir sum­ar­frí.

Um­sókn­ir barna fædd 2014 eða fyrr sem bár­ust eft­ir 1. júlí verða af­greidd­ar eins fljótt og auð­ið er.

Starfs­fólk grunn­skóla Mos­fells­bæj­ar hófu störf fyrr í þess­um mán­uði við vinnu að und­ir­bún­ingi kennslu og öðr­um verk­efn­um er fylgja skólastarfi og komu nem­enda. Grunn­skól­ar Mos­fells­bæj­ar hefja kennslu í næstu viku en skóla­setn­ing­ar fara fram þriðju­dag­inn 23. ág­úst nk.

Nán­ari upp­lýs­ing­ar um upp­haf skóla­starfs­ins í hverj­um skóla má finna á vefj­um skól­anna en þar er einn­ig að finna hag­nýt­ar upp­lýs­ing­ar um upp­haf kennslu hvers ár­gangs.

At­hug­ið að um­sókn­ir um mötu­neyti og frístund þurfa að berast í gegn­um Íbúagátt Mos­fells­bæj­ar fyr­ir 20. ág­úst.

Skóla­skrif­stofa Mos­fells­bæj­ar býð­ur starfs­menn leik- og grunn­skóla, börn og nem­end­ur vel­komin til starfa og hvet­ur alla, börn sem full­orðna, til að ganga, hjóla eða nýta sér ann­an vist­væn­an ferða­máta til að koma sér í og úr skóla.

Mos­fell­ing­ar, sýn­um ýtr­ustu var­kárni og til­lits­semi í um­ferð­inni nú sem endra­nær og mun­um að við erum fyr­ir­mynd­ir barna okk­ar.