Á bæjarhátíðinni Í túninu heima veitti umhverfisnefnd Mosfellsbæjar umhverfisviðurkenningar fyrir árið 2011.
Veittar voru viðurkenningar fyrir:
- Fallegasta húsagarðinn
- Fyrir fyrirtæki sem skarar fram úr í umhverfismálum
- Fallegustu götuna
Að þessu sinni hlutu hjónin Úlfar Finnbjörnsson og Sigrún Hafsteinsdóttir viðurkenningu fyrir fallegan og hlýlegan garð að Brekkulandi 10, þar sem lögð er áhersla á frumlega hönnun og fjölbreytilegan gróður.
Ákveðið var að veita tveimur fyrirtækjum umhverfisviðurkenningu, fyrirtækinu Bílapartar ehf., Grænumýri 3, fyrir snyrtilegt umhverfi og sérstaka áherslu á umhverfismál, þar sem flokkun og endurnýting er höfð að leiðarljósi og Hestamiðstöðinni Dal, Dallandi, fyrir margra ára ræktunarstarf í tengslum við starfsemi sína þar sem aðbúnaður fyrir dýr og menn er til fyrirmyndar.
Að lokum hlaut Hrafnshöfði viðurkenningu sem fallegasta gata Mosfellsbæjar 2011 þar sem heildaryfirbragð götu er snyrtilegt og margir garðar fallegir og gróðursælir.
Tengt efni
Einstök stemming Í túninu heima
Bæjarhátíðin okkar Í túninu heima heppnaðist einstaklega vel og var þátttakan frábær að vanda.
Starfsaldursviðurkenningar veittar á hátíðardagskrá
Á hátíðardagskrá sem var haldin í Hlégarði í gær, í tengslum við bæjarhátíðina Í túninu heima fengu fimm starfsmenn Mosfellsbæjar starfsaldursviðurkenningu.
Umhverfisviðurkenningar Mosfellsbæjar 2023 afhentar á bæjarhátíð
Hátíðardagskrá var í Hlégarði sunnudaginn 27. ágúst í tengslum við bæjarhátíðina Í túninu heima þar sem meðal annars voru veittar umhverfisviðurkenningar.