Rithöfundasetrin Gljúfrasteinn og Skriðuklaustur stíga nú fyrstu skrefin í samstarfi sín á milli og efna til tónleika.
Laugardaginn 17. október klukkan 16.00 munu söngkonan Liv Skrudland og sellóleikarinn Karin Nielsen flytja norsk og íslensk lög í stofunni á Gljúfrasteini. Listamennirnir koma frá Norður-Noregi og hafa að undanförnu dvalist í gestaíbúðinni Klaustrinu á Skriðuklaustri og er dvölin hluti af samstarfi menningarráðanna í Vesterålen og á Austurlandi. Sömu tónleikar voru einnig fluttir á Skriðuklaustri 11. október s.l.
Liv Skrudland lærði við Rogaland Musikkonservatorium. Hún er alhliða söngvari en þekkt fyrir túlkun sína á kammertónlist og ljóðatónleika. Karin Nielsen nam sellóleik bæði í Svíþjóð og Noregi og hefur m.a. spilað með Fílharmóníusveitinni í Osló en vinnur nú sem svæðistónlistarmaður í Tromsfylki.
Á Skriðuklaustri hafa þær Liv og Karin æft nýja efnisskrá sem byggir á samtímatónlist og þjóðlögum frá báðum löndum. Á tónleikunum munu þær m.a. flytja lög eftir Þorstein Hauksson og Sommerfeldt í bland við þekkt kvæði eins og Sofðu unga ástin mín, Snert hörpu mína og kvæði Olavs H. Hauge.
Aðgangseyrir er 500 krónur.
Tengt efni
Menning í mars í Kjarna laugardaginn 22. mars 2025
Blómlegir tímar í Kósí Kjarna
Menningin í Mosfellsbæ lyftir upp andanum í mars
Menning í mars hefur það að markmiði að efla menningarstarf í bænum, gera það sýnilegra og styðja þau sem að því standa við að kynna sig.
