Hlynur frjálsíþróttaþjálfari Aftureldingar fór til Finnlands á námskeið á íþróttasetri að Kuortane (líklega 100 sinnum stærra en á Laugarvatni). Boðið var upp á spjótkastsnámskeið með fremstu þjálfurum, spjótkösturum og sérfræðingum (læknar, sjúkraþjálfara og umboðsmenn) heims í kringum þessa þraut.
Ekki skal fjölyrða um það að yfirferð var mikil og mikið lært. Auk Hlyns sótti Pétur Guðmundsson námskeiðið og þótti þeim frábært að fá að kynnast smiðju Finna í þjálfunartækni og sjá nákvæmar rannsóknir. Þess má geta að hjá Finnum á engin karlmaður að kalla sig spjótkastara nema hann kasti spjóti yfir 80m og kona yfir 57m.
Til gamans má geta þess að Pétur Guðmundsson, íslandsmethafi í kúluvarpi utanhúss, varpaði kúlunni 21.26m hér að Varmá árið 1990 og stendur það met ennþá og hann er bróðir Andrésar Guðmundssonar, sveitunga okkar og forráðamanns Skólahreysti.
Tengt efni
Afturelding bikarmeistari karla í handbolta
Sigurgleðin er enn áþreifanleg í Mosfellsbæ eftir að meistaraflokkur karla í handbolta varð bikarmeistari á laugardaginn í annað sinn í sögu Aftureldingar.
Sjálfboðaliði ársins 2022 - Hægt að tilnefna til 9. janúar
Íþrótta- og tómstundanefnd Mosfellsbæjar mun núna í fyrsta sinn heiðra sjálfboðaliða ársins í samstarfi við íþrótta- og tómstundafélög í bænum.
Samstarfssamningar við íþrótta- og tómstundafélög í Mosfellsbæ undirritaðir
Samningarnir gilda frá árinu 2022 til ársins 2024.
