Takk Mos­fell­ing­ar fyr­ir hreins­un bæj­ar­ins

Stóri plokk­dag­ur­inn var um helg­ina og jafn­framt er hreins­un­ar­átak Mos­fells­bæj­ar í full­um gangi. Hvoru tveggja gekk gríð­ar­lega vel með góðu sam­starfi við Aft­ur­eld­ingu, Skáta­fé­lag­ið Mosverja og með þátt­töku íbúa.

Starfs­fólk þjón­ustu­stöðv­ar er búið að keyra um all­an bæ í morg­un og hirða upp pok­ana sem plokkað var í. Þeg­ar er búið að sækja mörg full­fermi af rusla­pok­um og mun starfs­fólk klára að sækja alla poka í dag. Íbú­ar mega gjarn­an láta vita í ábend­inga­kerfi Mos­fells­bæj­ar ef pok­ar verða eft­ir á ein­hverj­um svæð­um.

Hreins­un­ar­átak­ið er enn í gangi og verð­ur til 5. maí þar sem íbú­ar eru sér­stak­lega hvatt­ir til að huga að nærum­hverfi sínu og taka til í görð­um og kring­um hús. Gám­ar fyr­ir garða­úrg­ang verða að­gengi­leg­ir í hverf­um bæj­ar­ins á með­an hreins­un­ar­átak­inu stend­ur:

• Holta- og Tanga­hverfi – Neð­an Þver­holts (milli Ak­ur­holts og Arn­ar­tanga)
• Höfða og Hlíða­hverfi – Grennd­ar­stöð við Bo­ga­tanga
• Teiga- og Reykja­hverfi – Skar­hóla­braut ofan Reykja­veg­ar og við Sunnukrika
• Hlíð­ar­túns­hverfi – Við Að­altún
• Helga­fells­hverfi – Efst í Brekkulandi og við strætó­skýli við Vefara­stræti
• Leir­vogstunga – Á stæði við stoppistöð á Tungu­vegi
• Mos­fells­dal­ur – Á bíla­stæði við Þing­valla­veg