Garðyrkjudeildin vinnur nú hörðum höndum að því að prýða bæinn okkar með sumarblómum.
Mosfellsbær er í samstarfi við blómabændur í Dalsgarði í Mosfellsdal og kemur meirihluti blómanna þaðan. Samstarfið felur meðal annars í sér að prófa nýjar tegundir og liti.
Garðurinn við Hlégarð er dæmi um svæði sem er í stöðugu viðhaldi og endurnýjun. Nú er til að mynda unnið að nýju sumarblómabeði þar og einnig fjölæru steinhæðabeði. Hugmyndin að því síðarnefnda kom í vor þegar ljóst var að ekki höfðu öll tré í garðinum þolað snjóþunga síðasta vetrar. Einnig hafa verið teknir í gagnið tveir róbótar sem sjá um að viðhalda grasinu við Hlégarð.
Myndir: Alexía Guðjónsdóttir
Tengt efni
Trjágróður klipptur og grisjaður
Garðyrkjudeild ásamt verktökum vinnur að því að grisja og klippa á öllum opnum svæðum bæjarins þessa dagana og mun sú vinna standa fram á vorið.
Fuglahús fyrir veturinn
Starfsfólk garðyrkju vinnur að því þessa dagana að koma niður endurnýttum trjádrumbum með áföstum smáfuglahúsum á nokkrum leikvöllum bæjarins.
Litli Skógur verður fallegur áningarstaður
Síðastliðinn vetur hófst grisjun og hreinsun á trjám og gróðri í Litla Skógi.