Mosfellsbær auglýsir eftir umsóknum um styrk til greiðslu fasteignaskatts til félaga og félagasamtaka.
Um er að ræða styrki til greiðslu fasteignaskatts af fasteignum þar sem fram fer starfsemi sem ekki er rekin í ágóðaskyni.
Sækja skal um fyrir 29. febrúar 2024.
Sótt er um styrkinn á þjónustugátt Mosfellsbæjar.
Rétt til styrks eiga félög og félagasamtök sem uppfylla eftirtalin skilyrði:
- Eru fasteignaeigendur í Mosfellsbæ.
- Reka starfsemi sína í húsnæðinu.
- Hafa með höndum starfsemi sem flokkast til menningar-, íþrótta- og æskulýðsstarfs, tómstundastarfsemi og mannúðarstarfa.
- Um mannúðarsamtök gildir að góðgerðarstarfsemin verður að meginstefnu að vera unnin í sjálfboðavinnu félagsmanna og ná út fyrir raðir þeirra, s.s. í formi styrkja, gjafa eða stuðnings fyrir almannaheill og samfélagið.
- Starfsemin má ekki vera rekin í ágóðaskyni en heimilt er að innheimta tímabundnar tekjur fyrir notkun húsnæðisins ef þær tekjur eru eingöngu nýttar til reksturs húsnæðisins.
- Starfsemin má ekki njóta samningsbundinna rekstrarstyrkja frá Mosfellsbæ eða ígildi þeirra.
Tengt efni
Nýsköpunarstyrkur Mosfellsbæjar afhentur í Hlégarði
Nýsköpunarstyrkur Mosfellsbæjar var afhentur í Hlégarði fimmtudaginn 27. júní.
Styrkir úr Klörusjóði afhentir 12. júní 2024
Miðvikudaginn 12. júní voru afhentir styrkir úr Klörusjóði en markmið sjóðsins er að stuðla að nýsköpun og framþróun í skóla- og frístundastarfi í Mosfellsbæ.
Frumkvöðlar óskast!
Lumar þú á frumlegri hugmynd sem gæti gert gott samfélag enn betra?