Með þátttöku í Stóra plokkdeginum vill Mosfellsbær taka virkan þátt í þessu metnaðarfulla umhverfisátaki sem fer fram undir merkjum félagsskaparins Plokk á Íslandi.
Mosfellsbær hvetur íbúa og starfsfólk fyrirtækja í Mosfellsbæ til að taka virkan þátt í deginum og að plokka rusl í sínum hverfum og á opnum svæðum.
Íbúar geta nálgast ruslapoka fyrir plokkið við Frískápinn fyrir utan Kjarna í Mosfellsbæ, Þverholti 2, laugardaginn 29. apríl og sunnudaginn 30. apríl.
Á grenndargámastöðvum við Dælustöðvarveg, Langatanga, Bogatanga og Skeiðholt er að finna gáma fyrir flokkað rusl, plast og gler, auk þess sem endurvinnslustöð Sorpu við Blíðubakka er opin alla helgina og tekur á móti fjölda endurvinnsluflokka.
Á bókasafni Mosfellsbæjar er hægt að fá plokktangir að láni í allt að 30 daga í senn.
Þriðjudaginn 2. maí munu starfsmenn Þjónustustöðvar Mosfellsbæjar sækja þá poka sem plokkarar setja við vegkant. Plokkarar eru beðnir um að láta vita hvar sækja þarf slíka poka í gegnum Ábendingakerfi Mosfellsbæjar.
Einnig er hægt að senda póst á mos@mos.is.
Tengt efni
Foreldrafundur í kvöld
Fræðslu og frístundavið Mosfellsbæjar stendur fyrir foreldrafundi í kvöld, þriðjudag 22. ágúst. Fundurinn hefst kl. 17:30 og er haldinn á Teams.
Fögnum fjölbreytileikanum - Regnbogagata máluð í Mosfellsbæ
Í dag, miðvikudaginn 9. ágúst, á 36 ára afmælisdegi Mosfellsbæjar, tóku bæjarstjóri og bæjarfulltrúar til hendinni og máluðu regnbogagötu fyrir framan félagsheimilið Hlégarð.
Barnadjasshátíð í Mosfellsbæ sú fyrsta sinnar tegundar
Dagana 22.-25. júní verður hátíðin Barnadjass í Mosó haldin í fyrsta skipti.
