Með þátttöku í Stóra plokkdeginum vill Mosfellsbær taka virkan þátt í þessu metnaðarfulla umhverfisátaki sem fer fram undir merkjum félagsskaparins Plokk á Íslandi.
Mosfellsbær hvetur íbúa og starfsfólk fyrirtækja í Mosfellsbæ til að taka virkan þátt í deginum og að plokka rusl í sínum hverfum og á opnum svæðum.
Íbúar geta nálgast ruslapoka fyrir plokkið fyrir framan Bókasafn Mosfellsbæjar í Kjarna og í anddyri íþróttamiðstöðvanna að Varmá og Lágafelli frá miðvikudeginum 24. apríl 2024. Einnig er hægt að fá ruslatínur að láni á bókasafninu með bókasafnskorti í allt að tvær vikur.
Eftir Stóra plokkdaginn mun starfsfólk þjónustustöðvar keyra um og sækja rusl en mikilvægt er að setja ruslapokana á sýnilega staði.
Mosfellsbær hvetur plokkara til að nota hanska og gæta fyllsta öryggis við umferðaræðar.
Tengt efni
Helgi Áss Grétarsson Íslandsmeistar í skák 2024
Sumardagurinn fyrsti í Mosfellsbæ - Fögnum saman
Hittumst og fögnum sumri saman!
Túlípanasýning í Kjarna
