Lokahátíð Stóru upplestrarkeppninnar í Mosfellsbæ var haldin í Lágafellsskóla þann 18. maí.
Þar kepptu til úrslita 11 nemendur úr 7. bekk í þremur grunnskólum Mosfellsbæjar, Helgafellsskóla, Lágafellsskóla og Varmárskóla.
Úrslit urðu þau að Ingi Ragnar Ingason í Lágafellsskóla varð í fyrsta sæti, Karólína Björg Árnadóttir í Varmárskóla varð í öðru sæti og Farah Mehica í Helgafellsskóla varð í þriðja sæti.
Keppendur lásu brot úr sögunni Kennarinn sem hvarf eftir Bergrúnu Írisi Sævarsdóttur og ljóð eftir Kristján frá Djúpalæk. Auk þess lásu keppendur ljóð sem þeir völdu sjálfir.
Nemendur í Listaskóla Mosfellsbæjar sáu um tónlistarflutning.
Tengt efni
Lokahátíð Stóru upplestrarkeppninnar
Í gær fór fram lokahátíð Stóru upplestrarkeppninnar í Mosfellsbæ og var hún haldin í Lágafellsskóla.
Lína Langsokkur mætti óvænt á sögustund
Það vakti mikla lukku í gær þegar Lína Langsokkur, Hr. Níels, Anna og Keli mættu óvænt á sögustund í Bókasafni Mosfellsbæjar.
Flipp flopp dagar í Kvíslarskóla