Nú á vordögum halda fjölmargir kórar landsins að venju tónleika í lok vetrarstarfsins og sýna með því það blómlega menningarstarf sem kórarnir leggja af mörkum hver á sinn hátt.
Skólakór Varmárskóla lætur sitt ekki eftir liggja í þessum efnum og verður með árlega vortónleika sína í sal Varmárskóla sunnudaginn 6. maí kl. 17:00. Þar gefst tónleikagestum færi á að hlusta á líflega og skemmtilega söngdagskrá sem krakkarnir hafa verið að æfa í vetur.
Skólakór Varmárskóla tók til starfa árið 1979 og verður því 40 ára á næsta ári.
