Tillögu að skipulagsbreytingum við Bröttuhlíð sem tekin var fyrir á 607. fundi skipulagsnefndar Mosfellsbæjar 1. mars síðastliðinn var vísað til gagngerrar endurskoðunar og rýni inna stjórnsýslu Mosfellsbæjar með nýjum áherslum frá nefndinni.
Á fundinum voru lögð fram drög að frekari umferðargreiningu sem byggðist á athugasemdum sem komu fram á samráðsfundi með íbúum og hagaðilum við Bröttuhlíð og nágrenni. Skipulagsnefnd ákvað að falla frá fyrirliggjandi tillögu og fól skipulagsfulltrúa að vinna nýja tillögu þar sem áhrif uppbyggingar á nærliggjandi svæði útfrá núverandi byggðarmynstri við Bröttuhlíð verður haft til hliðsjónar.
Bókun skipulagsnefndar var eftirfarandi:
“Skipulagsnefnd samþykkir með 5 atkvæðum að fela skipulagsfulltrúa endurskoðun tillagna með áherslu á áhrif uppbyggingar á nærliggjandi svæði. Þannig skal við frekari úrfærslur í auknu mæli líta til núverandi byggðarmynsturs við Bröttuhlíð. Skipulagsnefnd áréttar að umrætt landsvæði er og hefur á uppdráttum aðalskipulags Mosfellsbæjar verið fyrirhugað sem íbúðar- og uppbyggingarsvæði. Verkefnið skal unnið og rýnt samhliða nýju aðalskipulagi. Skipulagsnefnd samþykkir því ekki að auglýsa og kynna fyrirliggjandi gögn og útfærslur.”
Fundargerð:
Tengt efni
Samkomulag um vinnu við deiliskipulag vegna stækkunar golfvallar
Skýrsla um þarfagreiningu þjónustu- og aðkomubyggingar að Varmá lögð fyrir bæjarráð
Stýrihópur um endurskoðun þarfagreiningar fyrir þjónustu- og aðkomubyggingu að Varmá hefur skilað af sér skýrslu sem var lögð fyrir bæjarráð 18. apríl 2024.
Stýrihópur um uppbyggingu á Varmársvæði tekinn til starfa
Stofnaður hefur verið stýrihópur með það að markmiði að endurskoða Varmársvæðið og móta skýra sýn á uppbyggingu á svæðinu til næstu 15 ára.