Í dag, fimmtudaginn 5. október, fundaði bæjarstjórn Mosfellsbæjar með þingmönnum suðvesturkjördæmis.
Fundurinn er liður í kjördæmadögum Alþingis en þá fara þingmenn út í kjördæmi sín og hitta sveitastjórnarfólk o.fl.
Halla Karen Kristjánsdóttir formaður bæjarráðs bauð þingmenn velkomna til fundarins sem haldinn var á veitingastaðnum Blik í Mosfellsbæ. Regína Ásvaldsdóttir bæjarstjóri kynnti fjölbreytt tækifæri og áskoranir sem Mosfellsbær stendur frammi fyrir sem og önnur sveitarfélög. Þar á meðal var rætt um Sundabraut, samgöngusáttmálann, málefni fatlaðs fólks, Reykjalund, úrgangsmál og orkuskipti.
Að lokinni kynningu bæjarstjóra fóru fram umræður bæjarfulltrúa og þingmanna.
Tengt efni
Áhugaverðar staðreyndir úr ársskýrslu Mosfellsbæjar 2023
Vinnustofa um Álafosskvos
Álafosskvosin er fallegt svæði með ríka sögu sem í gegnum tíðina hefur dregið til sín marga gesti, bæði innlenda og erlenda.
Unnið að innleiðingu á farsældarlögum
