Föstudaginn 7. október sl. funduðu bæjarfulltrúar Mosfellsbæjar og þingmenn Suðvesturkjördæmis. Fundurinn er liður í kjördæmadögum Alþingis og á fundinum var farið yfir mikilvæg hagsmunamál Mosfellinga.
Regína Ásvaldsdóttir bæjarstjóri Mosfellsbæjar bauð þingmenn velkomna til fundarins sem var haldinn í Helgafelli, fundarsal bæjarstjórnar í Kjarna. Á fundinum var rætt um mikilvægi Sundabrautar fyrir Mosfellsbæ, uppbygging Blikastaðalands, starfsemi Skálatúns og þjónustu við fólk með fötlun og loks var rætt um Álfsnes og urðun sorps. Allt eru þetta mikilvæg úrlausnarefni sem varða Mosfellsbæ, nágrannasveitarfélögin, þjónustu við íbúa og loks umhverfismálin í sínu víðasta samhengi.
Að lokinni kynningu bæjarstjóra fóru fram umræður bæjarfulltrúa og þingmanna.
Tengt efni
Aukin vetraropnun kaffistofu Samhjálpar
Neyðarkallinn til styrktar björgunarsveitinni Kyndli
Mosfellsbær styrkir Björgunarsveitina Kyndil með því að kaupa Neyðarkallinn 2024.
Bókun samtala hjá velferðarsviði
