Rekst­ur Mos­fells­bæj­ar á ár­inu 2021 gekk vel

Al­menn­ur rekst­ur gekk vel og var í sam­ræmi við þau markmið um þjón­ustu við íbúa sem sett voru. Skatt­tekj­ur voru um­tals­vert meiri en áætlan­ir gerðu ráð fyr­ir og þar vega út­svar­s­tekj­ur mest sem end­ur­spegl­ar hrað­ari við­snún­ing at­vinnu­lífs­ins í kjöl­far heims­far­ald­urs­ins. Hækk­un reikn­aðr­ar líf­eyr­is­skuld­bind­ing­ar og áhrif verð­lags­hækk­ana á af­komu sveit­ar­fé­lags­ins eru hins veg­ar meiri en gert var ráð fyr­ir í áætlun árs­ins og draga úr já­kvæð­um áhrif­um á rekstr­arnið­ur­stöðu árs­ins.

Þetta kem­ur fram í árs­reikn­ingi Mos­fells­bæj­ar fyr­ir árið 2021 sem sam­þykkt­ur var á fundi bæj­ar­stjórn­ar mið­viku­dag­inn 4. maí.

Veltufé frá rekstri var já­kvætt um 1.131 millj­ón­ir sem er 645 millj­ón­um betri nið­ur­staða en fjár­hags­áætlun gerði ráð fyr­ir. Þetta gerði það að verk­um að lántaka varð minni en áætlað þar sem rekst­ur­inn skil­aði meiri fjár­mun­um til fram­kvæmda. Að teknu til­liti til reikn­aðra liða eins og hækk­un líf­eyr­is­skuld­bind­inga og verð­bóta varð rekstr­arnið­ur­staða árs­ins nei­kvæð um 562 millj­ón­ir sem er betri af­koma en í fjár­hags­áætlun árs­ins.

Rekst­ur mála­flokka gekk vel og er í góðu sam­ræmi við fjár­hags­áætlun. Þá var tölu­vert fram­kvæmt á ár­inu bæði til þess að geta tek­ið við fjölg­un íbúa og til að byggja frek­ar upp inn­viði sveit­ar­fé­lags­ins.

Helstu töl­ur um rekst­ur árs­ins 2021

Tekj­ur árs­ins námu alls um 14.436 millj­ón­um, launa­kostn­að­ur 6.952 millj­ón­um, hækk­un líf­eyr­is­skuld­bind­inga 527 millj­ón­ir og ann­ar rekstr­ar­kostn­að­ur var 6.010 millj­ón­ir og nem­ur fram­legð því 946 millj­ón­um. Veltufé frá rekstri er 1.131 millj­ón­ir eða 7,8% af tekj­um.

Eig­ið fé í árslok nam því 6.625 millj­ón­um og eig­in­fjár­hlut­fall­ið er 25,4%. Skulda­við­mið er 102,1% og því vel inn­an þess 150% há­marks sem kveð­ið er á um í lög­um.

Íbú­um í Mos­fells­bæ fjölg­aði um 458 á ár­inu 2021 en traust­ur dag­leg­ur rekst­ur og sterk fjár­hags­staða þrátt fyr­ir tíma­bund­in ytri áföll gera sam­fé­lag­inu kleift að veita íbú­um góða þjón­ustu.

Fram­kvæmd­ir á veg­um Mos­fells­bæj­ar hafa á und­an­förn­um árum ver­ið mikl­ar enda sveit­ar­fé­lag­ið í góð­um vexti. Sam­tals var fram­kvæmda- og upp­bygg­inga­kostn­að­ur á ár­inu 2021 um 2.500 millj­ón­ir og má þar nefna bygg­ingu Helga­fells­skóla, upp­bygg­ing íþrótta­mann­virkja, end­ur­bæt­ur á skóla­hús­næði, end­ur­gerð Hlé­garðs og gatna­fram­kvæmd­ir.

Íbú­ar Mos­fells­bæj­ar voru 13.023 þann 1. des­em­ber 2021 og nem­ur fjölg­un­in 3,6% á milli ára. Mos­fells­bær er sem fyrr sjö­unda fjöl­menn­asta sveit­ar­fé­lag lands­ins og þar störf­uðu 878 starfs­menn í 711 stöðu­gild­um í árslok 2021.

Rekst­ur mála­flokka

Rekst­ur mála­flokka gekk vel og er í góðu sam­ræmi við fjár­hags­áætlun. Rekstr­ar­gjöld án af­skrifta og fjár­magnsliða námu 13.490 millj­ón­um.

Fræðslu­mál eru um­fangs­mesti mála­flokk­ur­inn og til hans var var­ið 6.674 millj­ón­um eða 56,4% skatt­tekna. Til fé­lags­þjón­ustu var veitt 2.424 millj­ón­um og eru þar með­talin fram­lög vegna mál­efna fatl­aðs fólks. Loks eru íþrótta- og tóm­stunda­mál þriðja um­fangs­mesta verk­efni bæj­ar­ins og til þeirra var ráð­stafað um 1.345 millj­ón­um.

Har­ald­ur Sverris­son, bæj­ar­stjóri Mos­fells­bæj­ar:

„Árs­reikn­ing­ur fyr­ir árið 2021 varp­ar ljósi á sterka stöðu Mos­fells­bæj­ar til að mæta þeirri fjár­hags­legu ágjöf sem heims­far­ald­ur­inn olli. Við hjá Mos­fells­bæ vilj­um vera til fyr­ir­mynd­ar varð­andi dag­leg­an rekst­ur og fram­þró­un starf­sem­inn­ar. Starfs­menn leggja áherslu á að veita góða þjón­ustu og eru með­vit­að­ir um mik­il­vægi þess að fylgja áætl­un­um. Skatt­tekj­ur juk­ust á ár­inu um­fram áætlan­ir sem end­ur­spegl­ar hrað­ari við­snún­ing at­vinnu­lífs­ins í kjöl­far heims­far­ald­urs­ins. Á móti veg­ur að trygg­inga­stærð­fræði­leg út­tekt leið­ir til þess að líf­eyr­is­skuld­bind­ing­ar hækka sem hef­ur áhrif á nið­ur­stöð­ur árs­ins. Mest um vert er að okk­ur hef­ur í sam­ein­ingu tek­ist að bæta okk­ar þjón­ustu enn frek­ar og þar skipt­ir sam­vinna starfs­fólks og kjör­inna full­trúa höf­uð máli. Ég vil nota tæki­fær­ið og þakka starfs­fólki Mos­fells­bæj­ar, kjörn­um full­trú­um og nefnd­ar­fólki fyr­ir þeirra þátt í þeim ár­angri sem við höf­um náð og brýna þau til góðra verka á næstu miss­er­um.“

Nán­ari upp­lýs­ing­ar veita:
Har­ald­ur Sverris­son bæj­ar­stjóri í síma 525 6700 og Arn­ar Jóns­son, for­stöðu­mað­ur þjón­ustu- og sam­skipta­deild­ar í síma 840-1244 eða í gegn­um net­fang­ið arn­ar@mos.is