Pist­ill bæj­ar­stjóra 11. nóv­em­ber 2022

Al­þjóð­leg­ur dag­ur einelt­is var hald­inn á Ís­landi á þriðju­dag, þann 8. nóv­em­ber. Skól­arn­ir í Mos­fells­bæ létu ekki sitt eft­ir liggja og var fjöl­breytt dag­skrá í þeim öll­um. Í Kvísl­ar­skóla var dans­að gegn einelti, í Helga­fell­skóla var há­tíð­lega at­höfn í sam­vinnu við sam­tök­in Heim­ili og skóla þar sem for­setafrú­in Elísa Reid veitti við­ur­kenn­ingu sam­tak­anna fyr­ir bar­áttu gegn einelti. Í Varmár­skóla var hald­ið nem­enda­þing í sam­vinnu við Fram­halds­skól­ann í Mos­fells­bæ þar sem eldri nem­end­ur voru um­ræð­u­stjór­ar með börn­um í 5 og 6 bekk. Kast­ljós gerði þessu verk­efni góð skil og var með við­töl við nem­end­ur, skóla­stjóra og kenn­ara.

Í vik­unni voru líka sýnd­ar stutt­mynd­ir frá skóla­starfi í Mos­fells­bæ í þætti um mennta­mál ,,Ferða­lag um Ís­lenska skóla­kerf­ið“. Ann­ar­s­veg­ar við­tal við Svein­laugu Sig­urð­ar­dótt­ur leik­skóla- og úti­kenn­ara í Krika­skóla sem seg­ir frá úti­námi leik­skóla­barna og við­tal við Mál­fríði Bjarna­dótt­ur kenn­ara í Helga­fells­skóla sem seg­ir frá þró­un­ar­verk­efn­inu Snjall­ræði.

Fyrsta fjár­hags­áætl­un þessa kjör­tíma­bils var rædd í bæj­ar­stjórn á mið­viku­dag, 9. nóv­em­ber og vís­að til seinni um­ræðu sem verð­ur 7. des­em­ber. Þetta var líka fyrsta fjár­hags­áætl­un nýs meiri­hluta og fyrsta fjár­hags­áætl­un­in mín í starf­inu sem bæj­ar­stjóri. Það hef­ur ver­ið tölu­verð áskor­un að koma áætl­un­inni heim og sam­an, vegna hárra fjár­magns­gjalda, kom­andi kjara­samn­inga og auk­inn­ar út­gjalda­þörf sveit­ar­fé­lags­ins í skóla- og vel­ferð­ar­mál­um vegna aukn­ing­ar á íbúa­fjölda. Helstu áherslu­at­rið­in eru þessi:

• Nýj­um lóð­um verð­ur út­hlut­að í 5. áfanga upp­bygg­ing­ar í Helga­fellslandi.
• Fjár­fest verð­ur fyr­ir rúma fjóra millj­arða til að byggja upp inn­viði.
• Áform­að er að A- og B-hluti verði rek­inn með 548 m.kr. af­gangi á næsta ári.
• Veltu­fé frá rekstri verð­ur já­kvætt um 2.151 m.kr. eða 11% af heild­ar­tekj­um.
• Álagn­ing­ar­hlut­fall fast­eigna­gjalda lækk­ar til að koma til móts við hækk­un fast­eigna­mats.
  • Fast­eigna­skatt­ur A – álagn­ing lækk­ar úr 0,203 í 0,195%.
  • Fast­eigna­skatt­ur C – álagn­ing lækk­ar úr 1,540% í 1,520%.
  • Vatns­gjald – álagn­ing lækk­ar úr 0,070% í 0,065%.
  • Frá­veitu­gjald – álagn­ing lækk­ar úr 0,095% í 0,090%.
• Skuld­ir sem hlut­fall af tekj­um munu lækka og skulda­við­mið­ið verð­ur 89,9%.
• Álagn­ing­ar­hlut­fall út­svars verð­ur 14,52% en út­svar er um 52% af heild­ar­tekj­um sveit­ar­fé­lags­ins.
• Hækk­un á gjald­skrám verð­ur hóf­leg og til sam­ræm­is við breyt­ing­ar á verð­lagi.
• Íbú­ar eru um 13.300 og er ætl­uð fjölg­un um 2,5% á milli ára.

Af­gang­ur af rekstri Mos­fells­bæj­ar næst fram þrátt fyr­ir erfitt efna­hags­legt um­hverfi, aukn­ingu í þjón­ustu og mikl­ar fram­kvæmd­ir á næsta ári.

Með­al áherslna á kjör­tíma­bil­inu er heild­stæð upp­bygg­ing íþrótta­svæða í bæj­ar­fé­lag­inu, um­fangs­mikl­ar stofn­fram­kvæmd­ir vegna fjölg­un­ar at­vinnu­lóða, aukn­ing á leik­skóla­pláss­um og bygg­ing bú­setu­úr­ræða fyr­ir fatl­að fólk. Enn­frem­ur er gert ráð fyr­ir stofn­fram­lög­um til óhagnaðar­drifinna fé­laga. Þá verð­ur unn­ið að því að Mos­fells­bær hljóti við­ur­kenn­ingu sem Barn­vænt sam­fé­lag á kjör­tíma­bil­inu.

Á næsta ári er gert ráð fyr­ir að öll börn fái þjón­ustu að loknu fæð­ing­ar­or­lofi for­eldra og gert er ráð fyr­ir efl­ingu heima­þjón­ustu fyr­ir eldri borg­ara. Þá er frí­stunda­þjón­usta við fötl­uð börn efld, sem og skamm­tíma­dvöl.

Á ár­inu 2023 verð­ur enn­frem­ur hald­ið áfram að inn­leiða far­sæld­ar­lög­in með Far­sæld­ar­hringn­um sem er sam­starfs­verk­efni vel­ferð­ar­sviðs og fræðslu- og frí­stunda­sviðs. Fjár­heim­ild­ir eru aukn­ar til stoð­þjón­ustu við börn í leik- og grunn­skól­um og ráð­gjafa­þjón­ustu við börn og fjöl­skyld­ur.

Fjár­fest­ing­ar árs­ins 2023 ein­kenn­ast af mörg­um verk­efn­um en þar bera hæst end­ur­bæt­ur á Kvísl­ar­skóla og lok­ið verð­ur við bygg­ingu íþrótta­húss við Helga­fells­skóla auk vinnu við end­ur­bæt­ur íþrótta­valla á Varmár­svæð­inu.

Kom­ið verð­ur á fót nýj­um leik­skóla­rým­um en mik­il fjölg­un er í hópi leik­skóla­barna í Mos­fells­bæ sam­hliða upp­bygg­ingu nýrra hverfa.

Í tengsl­um við fyr­ir­hug­aða upp­bygg­ingu at­vinnusvæð­is á Blika­stöð­um er gert ráð fyr­ir um­fangs­mikl­um fram­kvæmd­um við stofn­lagn­ir vatns-, hita- og frá­veitu ásamt raf- og fjar­skipta­lögn­um. Þá verð­ur unn­ið að frek­ari stefnu­mörk­un á sviði at­vinnu­mála.

Á næsta ári lýk­ur end­ur­skoð­un að­al­skipu­lags Mos­fells­bæj­ar og vinna haf­in við for­gangs­röð­un og gerð ramma­skipu­lags mögu­legra upp­bygg­inga­svæða.

Í vik­unni fund­aði ég með nokkr­um hag­að­il­um vegna upp­bygg­ing­ar í Mos­fells­bæ. Með­al ann­ars þeim Sig­urði Rún­ari og Ey­björgu Hauks­dótt­ur frá Eir en Eir og Mos­fells­bær eiga ára­langa sögu um sam­starf á sviði öldrun­ar­þjón­ustu í Mos­fells­bæ. Eir hjúkr­un­ar­heim­ili rek­ur hjúkr­un­ar­heim­il­ið Hamra  og sér þar að  auki um heima­þjón­ustu fyr­ir íbúa Mos­fells­bæj­ar sam­kvæmt sér­stöku sam­komu­lagi þar um. Eir ör­yggis­íbúð­ir eiga rúm­lega 50 íbúð­ir í Eir­hömr­um fyr­ir eldri borg­ara og hyggja á upp­bygg­ingu fleiri íbúða í Bjark­ar­holti, í svo­köll­uð­um áfanga 4-5.

Ég fund­aði líka með Guð­jóni Auð­uns­syni for­stjóra Reita og Frið­jóni Sig­urðs­syni fram­kvæmda­stjóra þró­un­ar­sviðs, vegna upp­bygg­ing­ar at­vinnusvæð­is­ins við Blikastaði, eða á Korpu­túni eins og Reit­ir kjósa að kalla svæð­ið. For­svars­menn Reitna finna fyr­ir mikl­um áhuga á svæð­inu en framund­an eru stór­ar fjár­fest­ing­ar af hendi Mos­fells­bæj­ar í stofn­lagna­kerf­inu til að koma svæð­inu í bygg­ing­ar­hæft ástand.

Nem­end­ur frá Fram­halds­skól­an­um í Mos­fells­bæ komu í heim­sókn í vik­unni en þær tóku við mig við­tal vegna um­hverf­is­verk­efn­is sem er hluti af nám­skeið­inu Mennnta­maskínu þar sem nem­end­ur velja heims­markmið og vinna með það í sam­starfi við FabLab í Reykja­vík.

Ég fór líka í heim­sókn í fram­halds­skól­ann sem er í gríð­ar­lega fal­legri bygg­ingu sem ég hef oft dáðst að frá Vest­ur­lands­vegi og hús­næð­ið verð­ur bara enn fal­legra þeg­ar inn er kom­ið. Ég átti góð­an fund með Guð­björgu Að­al­bergs­dótt­ur skóla­stjóra, Val­garði Má Jak­obs­syni að­stoð­ar­skóla­stjóra og þeim Ingu Þóru Inga­dótt­ur og Guð­rúnu Guð­jóns­dótt­ur áfanga­stjór­um. Virki­lega gam­an að fá inn­sýn í hug­mynda­fræði skól­ans og kennslu­hátt­um sem byggja á leið­sagn­ar­námi og skoða þessa fal­legu bygg­ingu.

Góða helgi!

Regína Ás­valds­dótt­ir