Fjölskyldunefnd Mosfellsbæjar vinnur að undirbúningi stefnumótunar í málaflokki fatlaðs fólks og leitar eftir þátttöku og tillögum frá íbúum Mosfellsbæjar.
Fjölskyldunefnd Mosfellsbæjar hefur hafið undirbúning vinnu við stefnumótun í málaflokki fatlaðs fólks. Fyrirhugað var að hafa opinn íbúafund síðastliðið vor í Framhaldsskóla Mosfellsbæjar en vegna Covid-19 þurfti að fresta þeim fundi.
Nú hefur verið ákveðið að halda fundinn með breyttu sniði og verður hann haldinn þriðjudaginn 22. september kl. 17:00-18:30. Hið breytta snið þýðir að fundurinn verður rafrænn og munu fundarmenn því mæta á fundinn í gegnum sínar tölvur eða síma. Skráning á fundinn stendur yfir í gegnum vef Mosfellsbæjar þar sem fundargestir velja sér einn áhersluþátt til að fjalla um á fundinum.
Mosfellsbær vill hvetja alla sem láta sig málefni fatlaðs fólks varða, svo sem fatlað fólk, aðstandendur fatlaðra barna eða þá sem vinna með fötluðu fólki að taka þátt í fundinum og hafa áhrif á þá þær tillögur og hugmyndir sem unnið verður með við stefnumótun í málaflokknum.
Tengt efni
Er líða fer að jólum í Mosfellsbæ
Fjöldi viðburða verða í boði í Mosfellsbæ í aðdraganda jóla.
Mosfellsbær fjárfestir aukalega 100 milljónum í forvarnir
Syndum, landsátak í sundi hefst 1. nóvember 2024
Íþrótta- og Ólympíusamband Íslands í samstarfi við Sundsamband Íslands stendur fyrir landsátaki í sundi frá 1. – 30. nóvember 2024.
