Bæjarráð Mosfellsbæjar afgreiddi fyrirkomulag frístundastyrkja til íbúa í Mosfellsbæ sem eru 67 ára og eldri á fundi sínum þann 14. febrúar.
Markmið niðurgreiðslunnar er að auðvelda þessum aldurshópum að sækja sér heilsueflandi frítímaþjónustu sem hentar hverjum og einum.
Mosfellsbær er heilsueflandi samfélag þar sem lögð er rík áhersla á hreyfingu, líðan, lífsgæði og forvarnir auk næringar. Rannsóknir staðfesta að hreyfing og tómstundaiðkun eru mikilvægir forvarnaþættir sem geta stuðlað að auknum lífsgæðum og heilbrigði án tillits til aldurs.
Reglur um niðurgreiðslur til eldra fólks í Mosfellsbæ eru eftirfarandi:
- Upphæð niðurgreiðslu fyrir árið 2019 er kr. 10.000.- og er tímabilið frá 1. janúar til 31. desember ár hvert.
- Umsækjandi þarf að vera með lögheimili í Mosfellsbæ. Sótt er um niðurgreiðsluna í gegnum þjónustugátt Mosfellsbæjar. Skila þarf inn kvittun fyrir útlögðum kostnaði vegna þátttökugjalda á þjónustugátt eða í þjónustuver Mosfellsbæjar, Þverholti 2.
- Greiðslur eru lagðar inn á reikning umsækjanda eftir að umsókn og gildri kvittun hefur verið skilað inn. Kvittun skal ekki vera eldri en 6 mánaða. Greitt er út fjórum sinnum á ári; 15.mars, 15. júní, 15. september og 15. desember.
- Hreyfi- og tómstundatilboð eða námskeið skulu að lágmarki vara í 4 vikur og vera stýrt af viðurkenndum leiðbeinendum eða kennurum.
- Á þjónustugátt Mosfellsbæjar er listi yfir skráð félög/félagasamtök/fyrirtæki/einstaklinga en hafa ber í huga að listinn er þó ekki tæmandi. Vinsamlegast hafið samband við þjónustuver eða sendið fyrirspurnir á fristundmos@mos.is ef óskað er eftir að fleiri aðilar verði gjaldgengir vegna niðurgreiðslna.
Sækja um styrkinn á þjónustugátt:
Tengt efni
Opið hús fyrir eldri borgara Mosfellsbæjar
Gott að eldast í Mosfellsbæ
Heilsa og hugur fyrir 60+ byrjar 12. september 2022
Mánudaginn 12. september byrjar námskeiðið Heilsa og hugur fyrir íbúa Mosfellsbæjar sem eru 60 ára og eldri.
