Vikuna 11. – 16. febrúar voru 15 nemendur og þrír kennarar úr Varmárskóla í Riga í Lettlandi að taka þátt í Nordplus junior verkefni.
Nemendurnir heimsóttu jafnaldra sína í Rīgas Zolitūdes Ģimnazija skólanum. Nemendurnir voru að vinna að verkefnum um mengun, umhverfi, heilsu og hreyfingu. Íslensku nemendurnir kynntu Ísland, Mosfellsbæ og Varmárskóla. Einnig kynntu þau hinar ýmsu niðurstöður sem þau höfðu unnið að, t.d. spurningakannanir sem lagðar höfðu verið fyrir og fleira.
Lettnesku nemendurnir og kennarar þeirra koma til Íslands 9. apríl og þá verður áfram unnið með markmið verkefnisins.
Nemendurnir sem fóru í þessa ferð eru: Rakel, Hólmfríður, Elín Aðalsteina, Vera Sif, Eva Lára, Einar Vignir, Eyþór, Benedikt Magni, Viðar Már, Patrik Elí, Kristófer, Davíð Þór, Róbert, Garðar og Tómas.
Kennararnir sem fóru voru: Jóna Dís, Hanna Bjartmars og Sigríður Hafstað.
