Haraldur Sverrisson, bæjarstjóri Mosfellsbæjar og Guðmundur Davíðsson, oddviti Kjósarhrepps, hafa ritað undir samkomulag um að Mosfellsbær og Kjós sé eitt þjónustusvæði fyrir fatlað fólk.
Fjölskyldusvið Mosfellsbæjar hefur því tekið að sér að veita íbúum og félagsmálanefnd Kjósarhrepps félagsþjónustu og aðra lögbundna félagslega þjónustu – þar á meðal þjónustu við fatlað fólk, sem færðist yfir til sveitarfélaganna frá ríkinu um síðustu áramót.
Starfsmenn fjölskyldusviðs Mosfellsbæjar annast verkefni félagsþjónustu fyrir Kjósarhrepp undir stjórn framkvæmdastjóra þess. Helstu verkefni eru félagsleg ráðgjöf, móttaka og úrvinnsla umsókna um fjárhagsaðstoð, félagslega heimaþjónusta og húsaleigubætur.
Tengt efni
Aukafundur í bæjarstjórn vegna breytinga á fjármögnun á þjónustu við fatlað fólk
Í morgun, fimmtudaginn 22. desember, var haldinn aukafundur í bæjarstjórn.
Stefna í málaflokki fatlaðs fólks til ársins 2027
Á árinu 2020 voru drög að stefnumótun Mosfellsbæjar í málaflokki fatlaðs fólks lögð fyrir fjölskyldunefnd.
Auðlesið efni: Til þeirra sem nýta sér akstursþjónustu fatlaðs fólks
Það hefur komið fram í fréttum að Strætó varð fyrir netárás í desember 2021.
