Nótan er nafn á árlegri uppskeruhátíð tónlistarskólanna á Íslandi.
Haldnir eru forvalstónleikar á fjórum stöðum á landinu og svo lokahátíð í Eldborgarsal Hörpu sunnudaginn 23. mars. Oddný Þórarinsdóttir, 9 ára fiðlunemandi í Listaskóla Mosfellsbæjar, var valin af dómnefnd til þáttöku í lokahátíðinni. Þar stóð hún sig með glæsibrag og fékk ásamt þrem öðrum atriðum í grunnstigi, sérstaka viðurkenningu fyrir framúrskarandi tónlistarfluttning. Hún hefur náð gríðarlega góðum árangri eftir einungis tveggja ára nám í skólanum undir handleiðslu Vigdísar Másdóttur fiðlukennara.
Listaskólinn óskar Oddnýju, Vigdísi kennaranum hennar og Arnhildi Valgarðsdóttur píanóleikara, sem lék með henni á tónleikunum, innilega til hamingju með þennan árangur.
Það var dómnefnd skipuð þeim Helgu Þórarinsdóttur víóluleikara, Martial Nardeau flautuleikara og Þóru Einarsdóttur söngkonu, sem var í því erfiða hlutverki að velja vinningshafanna og Illugi Gunnarsson menntamálaráðherra afhenti verðlaunin.
Ríkissjónvarpið tók upp öll vinningsatriðin, 10 talsins og verða þau flutt í sérstakri sjónvarpsdagskrá síðar á árinu.
Oddný Þórarinsdóttir.
Tengt efni
Skólahljómsveit Mosfellsbæjar fagnaði 60 ára afmæli
Skólahljómsveit Mosfellsbæjar fagnar 60 ára afmæli
Þriðjudaginn 28. maí fagnar skólahljómsveit Mosfellsbæjar 60 ára starfsafmæli kl.18:00 í félagsheimilinu Hlégarði.
Dagur Listaskólans 2. mars 2024
Dagur Listaskólans er laugardaginn 2. mars og er opið hús hjá tónlistardeild, Skólahljómsveit og Leikfélagi Mosfellssveitar.